Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Job 10:1-22

10  “Ang akong kalag mibati gayod ug kasilag sa akong kinabuhi.+ Ipahungaw ko ang akong kabalaka bahin sa akong kaugalingon. Ako mosulti sa kapait sa akong kalag!   Moingon ako sa Diyos, ‘Ayaw ako ipahayag nga daotan. Pahibaloa ako kon nganong ikaw nakigbatok man kanako.   Maayo ba alang kanimo nga ikaw mohimog sayop,+ Nga imong isalikway ang bunga sa kahago sa imong mga kamot,+ Ug sa tambag sa mga daotan ikaw mahimuot?   Ikaw ba may mga mata+ nga unod, O makakita ka ba ingon sa pagkakita sa may-kamatayong tawo?+   Ang imo bang mga adlaw sama sa mga adlaw sa may-kamatayong tawo,+ O ang imo bang mga tuig sama sa mga adlaw sa tawo nga lig-on ug lawas,   Nga ikaw mangita man sa akong sayop Ug magpunay ug pangita sa akong sala?+   Bisan ikaw nahibalo nga ako dili sayop,+ Ug walay usa nga magaluwas gikan sa imong kamot?+   Ang imong mga kamot nag-umol kanako mao nga kini nagbuhat kanako+ Sa kinatibuk-an sa palibot, apan ikaw maglamoy kanako.   Palihog, hinumdomi nga gikan sa yutang-kulonon+ ikaw nagbuhat kanako Ug sa abog ikaw magpabalik kanako.+ 10  Wala mo ba ako ibubo ingon sa gatas Ug gipabagtok sama sa keso?+ 11  Imo akong gibestihan sa panit ug unod Ug imo akong gitagik sa mga bukog ug mga ugat.+ 12  Kinabuhi ug mahigugmaong-kalulot imong gihatag kanako;+ Ug ang imong pag-atiman+ nagbantay sa akong espiritu. 13  Ug kining mga butanga imong gitagoan sa imong kasingkasing. Ako nahibalo pag-ayo nga kining mga butanga anaa kanimo. 14  Kon ako nakasala ug ikaw nagpadayon pagbantay kanako+ Ug sa akong sayop wala nimo ako isipa nga inosente;+ 15  Kon sa pagkatinuod sayop ako, pagkaalaot ko!+ Ug kon sa pagkatinuod husto ako, dili ko mahimong ihangad ang akong ulo,+ Nga tugob sa kaulawan ug puno sa kasakitan.+ 16  Ug kon kini magmapahitas-on,+ ingon sa usa ka nating leyon pagaayamon mo ako,+ Ug ipakita mo pag-usab ang imong kaugalingon nga kahibulongan labot kanako. 17  Imong ipatungha ang bag-o nimong mga saksi sa akong atubangan, Ug imong padakoon ang imong kasuko batok kanako; Ang sunodsunod nga kalisdanan ania kanako. 18  Busa nganong gipagawas mo ako gikan sa tagoangkan?+ Nabugtoan na lang unta ako sa gininhawa, aron walay bisan usa ka mata nga makakita kanako, 19  Nahimo unta akong ingon sa wala maglungtad; Gikan sa tiyan ngadto sa lubnganan ako gidala na unta.’ 20  Dili ba diyutay ra ang akong mga adlaw?+ Pahunonga siya, Palingiwa siya gikan sa pagsud-ong kanako, aron ako malipay+ ug diyutay 21  Sa dili pa ako mobiya—ug dili na ako mobalik+ Ngadto sa yuta sa kangitngitan ug sa mabagang kangiob,+ 22  Ngadto sa yuta sa kadulom sama sa kangitngit, sa mabagang kangiob Ug sa walay kahusay, diin walay kadan-ag nga labaw pa kay sa kangitngit.”

Mga Footnote