Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Jeremias 47:1-7

47  Kini mao ang pulong ni Jehova kang Jeremias nga manalagna mahitungod sa mga Filistehanon+ sa wala pa laglaga ni Paraon ang Gaza.+  Mao kini ang giingon ni Jehova: “Tan-awa! Mga tubig mitubo+ gikan sa amihanan+ ug nahimong nagbaha nga suba. Ug ilang bahaan ang yuta ug ang anaa niana, ang siyudad ug ang mga nagapuyo niana.+ Ug ang mga tawo tinong maninggit, ug ang tanang nagapuyo sa yuta maniyabaw gayod.+  Sa tinagaktak sa mga tiil sa iyang mga laking kabayo,+ sa kinagalkal sa iyang mga karo nga iggugubat,+ sa kabanha sa iyang mga ligid,+ ang mga amahan sa pagkatinuod dili na molingi sa mga anak, tungod sa paghuyhoy sa ilang mga kamot,  tungod sa adlaw nga nagasingabot sa paglaglag sa tanang Filistehanon,+ sa pagpatay gikan sa Tiro+ ug sa Sidon+ sa matag nabiling-buhi nga nagtabang.+ Kay si Jehova magalaglag sa mga Filistehanon,+ nga mao ang mga nahibilin gikan sa pulo sa Captor.+  Ang pagkaupaw+ modangat gayod sa Gaza.+ Ang Askelon+ gipahilom. Oh nahibilin sa ilang walog, hangtod kanus-a nga ikaw magsamadsamad sa imong kaugalingon?+  “Aha, ang espada ni Jehova!+ Hangtod kanus-a nga ikaw dili mopahulay? Sulod sa imong sakoban.+ Pahulay ug maghilom.  “Unsaon man pagpahulay niini, nga gisugo man kini ni Jehova? Kini maoy alang sa Askelon ug alang sa baybayon sa dagat.+ Didto niya kini gitudlo.”

Mga Footnote