Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Jeremias 45:1-5

45  Ang pulong nga gisulti ni Jeremias nga manalagna kang Baruk+ nga anak nga lalaki ni Nerias sa dihang gisulat niya sa usa ka basahon kining mga pulonga gikan sa baba ni Jeremias+ sa ikaupat ka tuig ni Jehoiakim+ nga anak nga lalaki ni Josias, ang hari sa Juda, nga nag-ingon:  “Mao kini ang giingon ni Jehova nga Diyos sa Israel mahitungod kanimo, Oh Baruk,  ‘Ikaw miingon: “Alaot ako karon,+ kay si Jehova nagdugang ug kaguol sa akong kasakit! Ako naluya tungod sa akong pagpanghupaw, ug walay dapit-pahulayan nga akong nakaplagan.”’+  “Mao kini ang isulti mo kaniya, ‘Mao kini ang giingon ni Jehova: “Tan-awa! Ang akong gitukod akong pagalumpagon, ug ang akong gitanom akong pagalukahon, bisan ang tibuok yuta mismo.+  Apan kon bahin kanimo, ikaw nagpadayon sa pagtinguha ug dagkong mga butang alang sa imong kaugalingon.+ Ayaw pagpadayon sa pagtinguha.”’+ “‘Kay ania, ako magadala ug katalagman diha sa tanang unod,’+ mao ang giingon ni Jehova, ‘ug ihatag ko kanimo ingon nga inagaw ang imong kalag sa tanang dapit nga imong adtoan.’”+

Mga Footnote