Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Jeremias 28:1-17

28  Unya nahitabo nianang tuiga, sa sinugdan sa gingharian ni Zedekias+ nga hari sa Juda, sa ikaupat ka tuig, sa ikalima ka bulan, nga si Hananias+ nga anak nga lalaki ni Azur, ang manalagna nga gikan sa Gabaon,+ miingon kanako diha sa balay ni Jehova atubangan sa mga mata sa mga saserdote ug sa tanang katawhan:  “Mao kini ang giingon ni Jehova sa mga panon, ang Diyos sa Israel, ‘Akong pagabalion ang yugo sa hari sa Babilonya.+  Sulod na lang sa tangkod nga duha ka tuig nga akong ibalik niining dapita ang tanang galamiton sa balay ni Jehova nga gikuha ni Nabucodonosor nga hari sa Babilonya+ gikan niining dapita aron iyang madala kini sa Babilonya.’”  “‘Ug si Jeconias+ nga anak nga lalaki ni Jehoiakim,+ ang hari sa Juda, ug ang tanang destiyero sa Juda nga nahiadto sa Babilonya+ akong pagadad-on ug balik niining dapita,’ mao ang giingon ni Jehova, ‘kay akong pagabalion ang yugo+ sa hari sa Babilonya.’”  Ug si Jeremias nga manalagna miingon kang Hananias nga manalagna atubangan sa mga mata sa mga saserdote ug atubangan sa mga mata sa tanang katawhan nga nagbarog diha sa balay ni Jehova;+  oo, si Jeremias nga manalagna miingon: “Amen!+ Hinaot buhaton kana ni Jehova! Hinaot palig-onon ni Jehova ang imong mga pulong nga imong gipanagna pinaagi sa pagdalag balik sa mga galamiton sa balay ni Jehova ug sa tanang nadestiyero nga katawhan gikan sa Babilonya nganhi niining dapita!+  Hinunoa, pamati, palihog, niining pulong nga akong isulti sa imong mga igdulungog ug sa mga igdulungog sa tanang katawhan.+  Kon mahitungod sa mga manalagna nga nauna kanako ug nauna kanimo sukad pa kaniadto,+ sila usab nanagna mahitungod sa daghang kayutaan ug mahitungod sa dagkong mga gingharian, sa gubat ug sa katalagman ug sa kamatay.+  Kon mahitungod sa manalagna nga nanagna bahin sa pakigdait,+ sa dihang ang pulong sa manalagna matuman, ang manalagna nga sa pagkamatuod gipadala ni Jehova mailhan.”+ 10  Niana si Hananias nga manalagna mikuha sa yugo gikan sa liog ni Jeremias nga manalagna ug gibali kini.+ 11  Ug si Hananias+ miingon atubangan sa mga mata sa tanang katawhan: “Mao kini ang giingon ni Jehova,+ ‘Sa ingon gayod niini akong balion ang yugo ni Nabucodonosor nga hari sa Babilonya sulod sa tangkod nga duha na lang ka tuig gikan sa liog sa tanang kanasoran.’”+ Ug si Jeremias nga manalagna milakaw.+ 12  Unya ang pulong ni Jehova midangat kang Jeremias,+ human balia ni Hananias nga manalagna ang yugo gikan sa liog ni Jeremias nga manalagna, nga nag-ingon: 13  “Lakaw, ug ingna si Hananias, ‘Mao kini ang giingon ni Jehova: “Mga yugo+ nga kahoy ang imong gibali, ug puli niini ikaw maghimog mga yugo nga puthaw.”+ 14  Kay mao kini ang giingon ni Jehova sa mga panon, ang Diyos sa Israel: “Usa ka yugo nga puthaw akong isangon sa liog niining tanang kanasoran, aron sa pag-alagad kang Nabucodonosor nga hari sa Babilonya;+ ug sila magaalagad kaniya.+ Ug bisan ang ihalas nga mga mananap sa kapatagan akong itugyan kaniya.”’”+ 15  Ug si Jeremias nga manalagna miingon kang Hananias+ nga manalagna: “Pamati, palihog, Oh Hananias! Si Jehova wala magpadala kanimo, apan kini nga katawhan imong gipasalig sa kabakakan.+ 16  Busa mao kini ang giingon ni Jehova, ‘Tan-awa! Hinginlan ko ikaw gikan sa nawong sa yuta. Niining tuiga ikaw mamatay gayod,+ kay ikaw nagsulti ug tataw nga pagsukol batok kang Jehova.’”+ 17  Busa si Hananias nga manalagna namatay niadtong tuiga, sa ikapito ka bulan.+

Mga Footnote