Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Jeremias 24:1-10

24  Ug gipakitaan ako ni Jehova, ug, tan-awa! duha ka bukag sa mga igos nga gipahimutang atubangan sa templo ni Jehova, human dad-a sa pagkadestiyero ni Nabucodonosor nga hari sa Babilonya si Jeconias+ nga anak nga lalaki ni Jehoiakim,+ ang hari sa Juda, ug ang mga prinsipe sa Juda ug ang mga artesano+ ug ang mga magtutukod ug mga kuta, gikan sa Jerusalem aron iyang madala sila ngadto sa Babilonya.+  Kon bahin sa usa ka bukag, ang mga igos maayo kaayo, sama sa sayo nga mga igos;+ ug kon bahin sa usa pa ka bukag, ang mga igos daot kaayo, mao nga kini dili makaon tungod kay daot.  Ug si Jehova miingon kanako: “Unsay imong nakita, Jeremias?” Busa ako miingon: “Mga igos, ang maayong mga igos maoy maayo kaayo, ug ang mga daot maoy daot kaayo, mao nga kini dili makaon tungod kay daot.”+  Unya ang pulong ni Jehova midangat kanako, nga nag-ingon:  “Mao kini ang giingon ni Jehova nga Diyos sa Israel, ‘Sama niining maayong mga igos, sa ingon usab isipon ko ang mga destiyero sa Juda, nga akong ipadala gikan niining dapita ngadto sa yuta sa mga Caldeanhon,+ sa maayong paagi.+  Ug itutok ko ang akong mata kanila sa maayong paagi,+ ug papaulion ko gayod sila niining yutaa.+ Ug pagatukoron ko sila, ug dili ko pagalumpagon; ug itanom ko sila, ug dili ko pagalukahon.+  Ug hatagan ko sila ug kasingkasing sa pag-ila kanako,+ nga ako mao si Jehova; ug sila mahimong akong katawhan,+ ug ako mahimong ilang Diyos, kay sila mobalik kanako sa bug-os nilang kasingkasing.+  “‘Ug sama sa daot nga mga igos nga dili makaon tungod kay daot,+ mao kini ang giingon ni Jehova: “Sa ingon usab akong ihatag si Zedekias+ nga hari sa Juda ug ang iyang mga prinsipe ug ang nahibilin sa Jerusalem nga mga nahibilin niining yutaa+ ug kadtong nagpuyo sa yuta sa Ehipto+  Itugyan ko usab sila ingong hinungdan sa pagpangurog, sa katalagman, sa tanang gingharian sa yuta,+ sa kaulawan ug sa usa ka panultihon, sa pagtamay+ ug sa maldisyon,+ sa tanang dapit diin sila akong patibulaagon.+ 10  Ug ipadala ko batok kanila ang espada,+ ang gutom+ ug ang kamatay,+ hangtod nga sila matibawas gikan sa yuta nga akong gihatag kanila ug sa ilang mga katigulangan.”’”+

Mga Footnote