Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Jeremias 21:1-14

21  Ang pulong+ nga midangat kang Jeremias gikan kang Jehova, sa dihang gipaadto ni Haring Zedekias+ kaniya si Pasur+ nga anak nga lalaki ni Malkias ug si Sofonias+ nga anak nga lalaki ni Maaseias, ang saserdote, nga nag-ingon:  “Palihog, pagpakisayod alang kanamo kang Jehova,+ tungod kay si Nabucodonosor nga hari sa Babilonya nakiggubat kanamo.+ Tingali buhaton ni Jehova kanamo ang sumala sa tanan niyang katingalahang mga buhat, aron siya mosibog gikan kanamo.”+  Ug si Jeremias miingon kanila: “Mao kini ang inyong isulti kang Zedekias,  ‘Mao kini ang giingon ni Jehova nga Diyos sa Israel: “Ania, akong balihon ang mga hinagiban sa gubat nga anaa sa inyong kamot, nga pinaagi niana kamo nakig-away sa hari sa Babilonya,+ ug sa mga Caldeanhon+ nga nagalikos kaninyo sa gawas sa paril, ug akong tigomon sila sa taliwala niini nga siyudad.+  Ug ako mismo makig-away batok kaninyo+ uban sa tinuy-od nga kamot ug sa kusgang bukton ug sa kasuko ug sa kaaligutgot ug sa dakong kasuko.+  Ug hampakon ko ang mga molupyo niini nga siyudad, tawo ug mananap. Pinaagi sa usa ka dakong kamatay sila mangamatay.”’+  “‘“Ug human niana,” mao ang giingon ni Jehova, “akong itugyan si Zedekias nga hari sa Juda ug ang iyang mga alagad ug ang katawhan ug kadtong mga nahibilin niini nga siyudad gikan sa kamatay, gikan sa espada ug gikan sa gutom, ngadto sa kamot ni Nabucodonosor nga hari sa Babilonya, ngadto gayod sa kamot sa ilang mga kaaway ug ngadto sa kamot niadtong mga nagapangita sa ilang kalag, ug siya magahampak kanila sa sulab sa espada.+ Siya dili masubo tungod kanila, ni siya magpakitag pagkamabination o maluoy kanila.”’+  “Ug niini nga katawhan ikaw moingon, ‘Mao kini ang giingon ni Jehova: “Ania, akong ibutang sa inyong atubangan ang dalan sa kinabuhi ug ang dalan sa kamatayon.+  Ang usa nga nagalingkod sa hilom niini nga siyudad mamatay sa espada ug sa gutom ug sa kamatay;+ apan ang usa nga mogula ug nga mobiya sa pagdapig sa mga Caldeanhon nga nagalikos batok kaninyo magpabiling buhi, ug ang iyang kalag tino nga maiyaha ingong inagaw.”’+ 10  “‘“Kay akong gitumong ang akong nawong batok niini nga siyudad alang sa katalagman ug dili alang sa kaayohan,”+ mao ang giingon ni Jehova. “Ngadto sa kamot sa hari sa Babilonya kini ihatag,+ ug iya gayod kining sunogon sa kalayo.”+ 11  “‘Ug kon mahitungod sa panimalay sa hari sa Juda, paminaw kamo sa pulong ni Jehova.+ 12  Oh balay ni David,+ mao kini ang giingon ni Jehova: “Matag buntag+ ipahamtang ang sentensiya uban ang hustisya,+ ug luwasa ang giagawan gikan sa kamot sa tikasan,+ aron ang akong kaaligutgot dili mogula ingon sa kalayo+ ug sa pagkatinuod modilaab ug walay makapalong niini tungod sa kadaotan sa inyong mga pakiglabot.”’+ 13  “‘Ania, ako batok kanimo, Oh babayeng molupyo sa ubos nga patag,+ Oh bato sa patag nga yuta,’ mao ang giingon ni Jehova. ‘Kon bahin kaninyo nga nagaingon: “Kinsay molugsong batok kanato? Ug kinsay moanhi sa atong puloy-anan?”+ 14  Ako usab makighusay batok kaninyo+ sumala sa bunga sa inyong mga pakiglabot,’+ mao ang giingon ni Jehova. ‘Ug ako magadaob ug kalayo sa iyang lasang,+ ug kini magalamoy gayod sa tanang butang nga naglibot kaniya.’”+

Mga Footnote