Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 61:1-11

61  Ang espiritu sa Soberanong Ginoong Jehova ania kanako,+ tungod kay si Jehova nagdihog kanako+ sa pagsulti sa maayong balita ngadto sa mga maaghop.+ Siya nagpadala kanako aron sa pagbugkos sa mga may gun-ob nga kasingkasing,+ sa pagmantala ug kagawasan niadtong mga gidalang binihag+ ug sa pagpabuka pag-ayo sa mga mata bisan sa mga binilanggo;+  sa pagmantala sa tuig sa maayong kabubut-on sa bahin ni Jehova+ ug sa adlaw sa panimalos sa bahin sa atong Diyos;+ sa paghupay sa tanang nagbangotan;+  sa pagtudlo niadtong nagbangotan labot sa Zion, sa paghatag kanila ug purong inay abo,+ sa lana sa kasadya+ inay sa pagbangotan, sa kupo sa pagdayeg inay sa nagsubo nga espiritu;+ ug sila pagatawgon nga dagkong kahoy sa pagkamatarong,+ ang tinanom ni Jehova,+ aron siya patahomon.+  Ug ilang pagatukoron pag-usab ang dugay nang nagun-ob nga mga dapit;+ ilang patindogon bisan ang gihimong biniyaan nga mga dapit sa kanhing kapanahonan,+ ug tinong bag-ohon nila ang nagun-ob nga mga siyudad,+ ang mga dapit nga biniyaan sa sunodsunod nga mga kaliwatan.  “Ug ang mga estranyo sa pagkatinuod mobarog ug magbantay sa inyong mga panon sa kahayopan,+ ug ang mga langyaw+ mahimong inyong mga mag-uuma ug inyong mga tig-atiman sa parasan.+  Ug kon bahin kaninyo, kamo pagatawgon nga mga saserdote ni Jehova;+ igaingon nga kamo mga alagad+ sa atong Diyos.+ Ang mga kahinguhaan sa kanasoran inyong pagakan-on,+ ug sa ilang himaya kamo mosulting mapagarbohon bahin sa inyong kaugalingon.+  Inay sa inyong kaulawan aduna unyay dobleng bahin,+ ug inay sa pagkanaulawan sila mohugyaw sa kalipay labot sa ilang bahin.+ Busa diha sa ilang yuta ilang panag-iyahon ang doble pang bahin.+ Ang pagmaya hangtod sa panahong walay tino ilang maangkon.+  Kay ako, si Jehova, nahigugma sa hustisya,+ nagdumot sa panulis uban sa pagkadili-matarong.+ Ug sa kamatinud-anon ihatag ko ang ilang suhol,+ ug kanila akong himoon ang usa ka pakigsaad nga mohangtod sa panahong walay tino.+  Ug ang ilang mga anak sa pagkatinuod mailhan bisan taliwala sa kanasoran,+ ug ang ilang mga kaliwat taliwala sa mga katawhan. Ang tanan nga makakita kanila makaila kanila,+ nga sila mao ang mga anak nga gipanalanginan ni Jehova.”+ 10  Sa walay pakyas ako magsadya diha kang Jehova.+ Ang akong kalag magakalipay diha sa akong Diyos.+ Kay siya nagsul-ob kanako sa mga besti sa kaluwasan;+ sa kupo nga walay bukton sa pagkamatarong iya akong gibukotan,+ sama sa pamanhonon kinsa, sa saserdotehanong paagi, nagsul-ob ug purong,+ ug sama sa pangasaw-onon nga nagdayandayan sa iyang kaugalingon sa iyang mga pahiyas.+ 11  Kay ingon nga ang yuta magpatungha sa turok niini, ug ingon nga ang tanaman magpaturok sa mga butang nga gipugas diha niini,+ sa samang paagi ang Soberanong Ginoong Jehova magpaturok sa pagkamatarong+ ug sa pagdayeg sa atubangan sa tanang kanasoran.+

Mga Footnote