Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 46:1-13

46  Si Bel+ miyuko,+ si Nebo mitikubo; ang ilang mga idolo+ nahimo nga alang sa ihalas nga mga mananap ug alang sa anad nga mga hayop, ang ilang mga luwan, mga bagahe, usa ka kabug-at sa gikapoy nga mga hayop.  Sila motikubo gayod; ang matag usa kanila managsama nga moyuko; sila tinong dili makahatag ug kaikyasan+ sa kabug-at, apan ang ilang kalag moadto sa pagkabinihag.+  “Pamati kanako, Oh balay ni Jacob, ug kamong tanang nahibilin sa balay sa Israel,+ kamong mga gisapnay ko gikan sa tiyan, ang mga gidala gikan sa tagoangkan.+  Bisan hangtod sa pagkatigulang sa usa ako mao gihapon Siya;+ ug hangtod sa pagkaubanon sa usa ako magpadayon sa pagpas-an.+ Ako molihok gayod,+ aron ako magdala ug aron ako magpas-an ug maghatag ug kaikyasan.+  “Kang kinsa ninyo ako ipanig-ingon+ o ipakasama o itandi aron kami magkaamgid sa usag usa?+  Adunay mga nagpalabi pagbubo sa bulawan gikan sa puntil, ug pinaagi sa balabag sa timbangan sila nagtimbang sa plata. Sila nagsuhol sa usa ka platero, ug siya naghimo niini nga usa ka diyos.+ Sila mohapa, oo, sila moyukbo.+  Gipas-an nila kini sa abaga,+ gidala nila kini ug gibutang kini sa iyang dapit aron pabarogon kini. Gikan sa gibarogan niini kini dili molakaw.+ Ang usa motuaw gani niana, apan kini dili motubag; gikan sa kasakit sa usa kini dili moluwas kaniya.+  “Hinumdomi kini, aron kamo makabaton ug kaisog. Ibutang kini sa kasingkasing,+ kamong mga malapason.+  Hinumdomi ang unang mga butang sa dugay nang panahon kanhi,+ nga ako ang Diyos+ ug wala nay laing Diyos,+ ni adunay sama kanako;+ 10  ang Usa nga nagsulti sa kataposan sukad sa sinugdan,+ ug sa mga butang nga wala mahimo sukad sa kanhing panahon;+ ang Usa nga nag-ingon, ‘Ang akong kaugalingong laraw mobarog,+ ug ang tanang butang nga akong gikahimut-an akong pagabuhaton’;+ 11  ang Usa nga nagatawag gikan sa silangan sa adlaw sa usa ka langgam nga mandadagit,+ gikan sa usa ka halayong yuta sa tawo nga mobuhat sa akong laraw.+ Akong gisulti gayod kini; akong ipadangat usab kini.+ Akong giumol kini, akong pagabuhaton usab kini.+ 12  “Pamati kanako, kamong mga gamhanan sa kasingkasing,+ kamong mga halayo sa pagkamatarong.+ 13  Akong gipaduol ang akong pagkamatarong.+ Kini dili halayo,+ ug ang akong kaugalingong kaluwasan dili maulahi.+ Ug ako maghatag diha sa Zion ug kaluwasan, ngadto sa Israel sa akong katahom.”+

Mga Footnote