Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 4:1-6

4  Ug pito ka babaye mogunit sa usa ka lalaki nianang adlawa,+ nga magaingon: “Kami mokaon sa among kaugalingong tinapay ug mosul-ob sa among kaugalingong mga kupo; basta tawgon lamang kami sa imong ngalan aron mawagtang ang among kaulawan.”+  Nianang adlawa ang paturokon ni Jehova+ mahimong alang sa dayandayan ug sa himaya,+ ug ang mga bunga sa yuta mao unyay butang igapasigarbo+ ug matahom alang niadtong iya sa Israel nga nakaikyas.+  Ug mahitabo gayod nga ang mga mahibilin sa Zion ug ang mga salin sa Jerusalem pagaingnon nga balaan kaniya,+ ang matag usa nga nahisulat alang sa kinabuhi sa Jerusalem.+  Sa dihang mahugasan na ni Jehova ang hugaw sa mga anak nga babaye sa Zion+ ug iyang pagahugasan+ bisan ang pag-ula ug dugo+ sa Jerusalem gikan sa sulod niya pinaagi sa espiritu sa paghukom ug pinaagi sa espiritu sa pag-ugdaw,+  tinong mugnaon usab ni Jehova ibabaw sa matag piho nga dapit sa Bukid sa Zion+ ug ibabaw sa iyang tigomanan ang usa ka panganod sa maadlaw ug usa ka aso, ug ang kahayag sa nagadilaab nga kalayo+ sa magabii;+ tungod kay ibabaw sa tibuok himaya aduna unyay usa ka salipod.+  Ug aduna unyay usa ka balongbalong ingong landong sa maadlaw gikan sa uga nga kainit,+ ug ingong dalangpanan ug ingong tagoanan gikan sa bagyo ug gikan sa ulan.+

Mga Footnote