Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 39:1-8

39  Niadtong panahona si Merodak-baladan+ nga anak nga lalaki ni Baladan nga hari sa Babilonya+ nagpadalag mga sulat ug usa ka gasa+ kang Ezequias, human siya makadungog nga siya nasakit apan nabaskog na usab.+  Busa si Ezequias nagmaya tungod kanila+ ug gipakita kanila ang iyang balay nga tipiganan sa bahandi,+ ang plata ug ang bulawan ug ang lana sa balsamo+ ug ang maayong lana ug ang tanan niyang tipiganan sa mga hinagiban+ ug ang tanan nga makaplagan sa iyang mga bahandi. Wala gayoy bisan unsa nga wala ipakita ni Ezequias kanila sa iyang kaugalingong balay+ ug sa tibuok niyang dominyo.+  Human niana si Isaias nga manalagna miadto kang Haring Ezequias ug miingon kaniya:+ “Unsay giingon niining mga tawhana, ug diin sila gikan nga nanganhi kanimo?” Busa si Ezequias miingon: “Gikan sa usa ka halayong yuta sila mianhi kanako, gikan sa Babilonya.”+  Ug siya miingon: “Unsay ilang nakita sa imong balay?”+ Niini si Ezequias miingon: “Ang tanan nga ania sa akong balay ilang nakita. Wala gayoy bisan unsa sa akong mga bahandi ang wala nako ipakita kanila.”  Si Isaias karon miingon kang Ezequias:+ “Pamatia ang pulong ni Jehova sa mga panon,  ‘Tan-awa! Ang mga adlaw moabot, ug ang tanan nga anaa sa imong kaugalingong balay ug kanang gitigom sa imong mga katigulangan hangtod niining adlawa pagadad-on gayod ngadto sa Babilonya.’+ ‘Walay mahibilin,’+ miingon si Jehova.  ‘Ug ang pipila sa imong mga anak nga lalaki nga mogula gikan kanimo, nga imong ipanganak, pagadad-on+ ug sa pagkatinuod mahimong mga opisyal+ sa palasyo sa hari sa Babilonya.’”+  Niana si Ezequias miingon kang Isaias: “Ang pulong ni Jehova nga imong gisulti maayo.”+ Ug siya miingon: “Tungod kay ang pakigdait ug ang kamatuoran+ magpadayon sa akong mga adlaw.”+

Mga Footnote