Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Isaias 35:1-10

35  Ang kamingawan ug ang walay-tubig nga rehiyon magsadya,+ ug ang desyertong kapatagan magakalipay ug mamulak sama sa safron.+  Sa walay pakyas kini mamulak,+ ug kini magakalipay gayod uban ang kamalipayon ug paghugyaw.+ Ang himaya sa Lebanon mismo igahatag niana,+ ang kahalangdon sa Carmelo+ ug sa Saron.+ Maanaa unya kadtong mga makakita sa himaya ni Jehova,+ ang kahalangdon sa atong Diyos.+  Pabaskoga ninyo ang luyang mga kamot, ug palig-ona ang mga tuhod nga nagkurogkurog.+  Sultihi ang mga nabalaka sa kasingkasing:+ “Magmalig-on.+ Ayaw kahadlok.+ Tan-awa! Ang inyong kaugalingong Diyos moabot uban ang panimalos,+ ang Diyos uban gayod ang pagbalos.+ Siya mismo moabot ug magluwas kaninyo.”+  Nianang panahona ang mga mata sa mga buta mabuka,+ ug ang igdulungog sa mga bungol mabuksan.+  Nianang panahona ang bakol mosaka ingon sa laking osa,+ ug ang dila sa amang mosinggit sa kasadya.+ Kay sa kamingawan ang mga tubig mobugwak, ug ang mga sapa sa desyertong kapatagan.  Ug ang yutang napagba sa kainit mahimong sama sa punog-tangbo nga linaw, ug ang uhaw nga yuta sama sa mga tubod sa tubig.+ Sa puloy-anang dapit sa mga iro nga ihalas,+ nga dapit-pahulayan alang kanila, aduna unyay lunhawng balili uban ang mga tangbo ug mga tanom nga papiro.+  Ug tinong aduna unyay usa ka dakong dalan+ didto, usa gayod ka agianan; ug kini tawgong Dalan sa Pagkabalaan.+ Ang mga mahugaw dili moagi niana.+ Ug kini maoy alang sa usa nga magalakaw diha sa dalan, ug walay mga buangbuang nga maglatagaw diha niana.  Wala unyay leyon didto, ug ang mga manunukob nga ihalas nga mananap dili moadto didto.+ Walay mausa ang makaplagan didto;+ ug ang mga linukat magalakaw didto.+ 10  Ug ang mismong mga tinubos ni Jehova mobalik+ ug tinong moadto sa Zion uban ang hugyaw sa kalipay;+ ug ang pagmaya hangtod sa panahong walay tino mabutang sa ilang ulo.+ Sila makabaton sa kasadya ug pagmaya, ug ang kaguol ug pagpanghupaw mokalagiw gayod.+

Mga Footnote