Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 31:1-9

31  Alaot kadtong nanglugsong ngadto sa Ehipto alang sa tabang,+ kadtong nagsalig sa mga kabayo lamang,+ ug nagsalig sa mga karo nga iggugubat,+ tungod kay sila daghan, ug sa mga kabayong iggugubat, tungod kay sila gamhanan kaayo, apan kinsa wala molantaw ngadto sa Balaang Usa sa Israel ug wala mangita kang Jehova.+  Ug siya maalamon+ ug magdala ug kadaotan+ usab, ug siya wala magbakwi sa iyang kaugalingong mga pulong;+ ug siya tinong motindog batok sa balay sa mga mamumuhat ug daotan+ ug batok sa tabang niadtong nagbuhat kon unsay makadaot.+  Ang mga Ehiptohanon, hinuon, maoy yutan-ong mga tawo,+ ug dili Diyos; ug ang ilang mga kabayo maoy unod,+ ug dili espiritu. Ug si Jehova mismo magtuy-od sa iyang kamot, ug siya nga nagtanyag ug tabang mapandol, ug siya nga ginatabangan mapukan,+ ug sa samang higayon silang tanan modangat sa kataposan.  Kay mao kini ang giingon ni Jehova kanako: “Maingon nga ang leyon, bisan ang may-lambungay nga nating leyon,+ magangulob sa tukbonon niini, sa dihang tawgon ang katibuk-an sa mga magbalantay sa karnero, ug bisan pa sa ilang tingog siya dili malisang ug bisan pa sa ilang kagubot siya dili moyuko; sa samang paagi si Jehova sa mga panon manaog aron makiggubat tungod sa Bukid sa Zion ug tungod sa bungtod niini.+  Sama sa mga langgam nga naglupad, si Jehova sa mga panon sa samang paagi manalipod sa Jerusalem.+ Sa pagpanalipod kaniya, siya usab magluwas gayod kaniya.+ Sa pagpalingkawas kaniya, siya usab magpaikyas kaniya.”  “Balik+ kamo ngadto sa Usa nga batok kaniya ang mga anak sa Israel nagmaalsahon sa hilabihan gayod.+  Kay nianang adlawa ang matag usa kanila magsalikway sa iyang walay-pulos nga mga diyos nga plata ug sa iyang walay-bili nga mga diyos nga bulawan,+ nga gihimo sa inyong mga kamot alang sa inyong kaugalingon ingong usa ka sala.+  Ug ang Asiryanhon mapukan pinaagi sa espada, nga dili iyaha sa tawo; ug usa ka espada, nga dili iyaha sa yutan-ong tawo, ang molamoy kaniya.+ Ug siya mokalagiw tungod sa espada, ug ang iyang kaugalingong mga batan-ong lalaki mahimong alang unya sa pinugos nga trabaho.  Ug ang iyang dakong bato mahanaw gumikan sa bug-os nga kalisang, ug tungod sa timaan+ ang iyang mga prinsipe mangalisang,” mao ang giingon ni Jehova, kansang kahayag anaa sa Zion ug kansang hudno+ anaa sa Jerusalem.

Mga Footnote