Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 3:1-26

3  Kay, tan-awa! ang matuod nga Ginoo,+ si Jehova sa mga panon, nagkuha sa abiyo ug sa tukod gikan sa Jerusalem+ ug sa Juda, sa tibuok abiyo sa tinapay ug sa tibuok abiyo sa tubig,+  sa tawong gamhanan ug manggugubat, maghuhukom ug manalagna,+ ug tigpanag-an ug tigulang nga lalaki,+  pangulo sa kalim-an+ ug tinahod kaayong tawo ug magtatambag ug batid sa mga kalaki sa salamangka, ug sa hanas nga maglalamat.+  Ug pagahimoon ko gayod ang mga batang lalaki nga ilang mga prinsipe, ug ang mabuotbuotong gahom lamang ang magmando kanila.+  Ug ang katawhan magmalupigon sa usag usa, ang matag usa sa iyang isigkatawo.+ Sila moatake, ang batang lalaki batok sa tigulang nga lalaki,+ ug ang usa nga dili kaayo tinamod batok sa usa nga pagapasidunggan.+  Kay ang matag usa mokupot sa iyang igsoong lalaki diha sa balay sa iyang amahan, nga magaingon: “Ikaw adunay kupo. Ikaw angay nga mahimong diktador+ kanamo, ug kining mga nangapukan kinahanglang mailalom sa imong kamot.”  Iyang ipatugbaw ang iyang tingog nianang adlawa, nga magaingon: “Dili ako mahimong tighunad sa samad; ug sa akong balay walay tinapay ni kupo. Dili gayod kamo magbutang kanako nga diktador sa katawhan.”  Kay ang Jerusalem natumba, ug ang Juda napukan,+ tungod kay ang ilang dila ug ang ilang mga pakiglabot maoy batok kang Jehova,+ sa paggawi nga masuklanon sa mga mata sa iyang himaya.+  Ang hitsura mismo sa ilang mga nawong nagpamatuod gayod batok kanila,+ ug kini nagpadayag labot sa ilang sala nga sama nianang sa Sodoma.+ Wala nila kini matago. Alaot ang ilang kalag! Kay sila naghatag ug kadaotan sa ilang kaugalingon.+ 10  Isulti ninyo nga magmaayo ra alang sa usa nga matarong,+ kay ilang kan-on ang bunga mismo sa ilang mga pagpakiglabot.+ 11  Alaot ang daotan!—Katalagman; kay ang pagtratar nga gibuhat sa iyang kaugalingong mga kamot pagabuhaton kaniya!+ 12  Kon bahin sa akong katawhan, ang mga tighatag ug buluhaton niini nagmapig-oton, ug mga babaye lamang ang nagmando gayod niini.+ Oh akong katawhan, silang nagatultol kaninyo nagpasalaag kaninyo,+ ug ang dalan sa inyong mga alagianan ilang gilibog.+ 13  Si Jehova nagpahimutang sa iyang kaugalingon aron makigtigi ug nagbarog aron sa pagpakanaog ug paghukom sa mga katawhan.+ 14  Si Jehova mosulod sa paghukom sa mga tigulang sa iyang katawhan ug sa mga prinsipe niini.+ “Ug inyong giugdaw ang parasan. Ang tinulis gikan sa mga sinakit anaa sa inyong mga balay.+ 15  Unsay inyong ipasabot nga gidugmok man ninyo ang akong katawhan, ug gigaling man ninyo ang mga nawong mismo sa mga sinakit?”+ ang giingon sa Soberanong Ginoo, si Jehova sa mga panon. 16  Ug si Jehova nagaingon: “Tungod kay ang mga anak nga babaye sa Zion nahimong mapahitas-on ug naglakaw sila nga pinatikig ang ilang mga liog ug nagpasipat sa ilang mga mata, sila nagpakiaykiay sa paglakaw, ug pinaagi sa ilang mga tiil sila nagpakagilkil,+ 17  himoon usab ni Jehova nga magnukanuka+ ang alimpulo sa mga anak nga babaye sa Zion, ug himoon ni Jehova nga modangas ang ilang agtang.+ 18  Nianang adlawa kuhaon ni Jehova ang katahom sa mga pulseras sa tiil ug sa mga putong ug sa pormag-bulan nga mga dayandayan,+ 19  sa mga ariyos ug sa mga pulseras ug sa mga pandong,+ 20  sa mga purong ug sa mga kadena sa tiil ug sa mga bangan sa dughan+ ug sa ‘mga balay sa kalag’ ug sa mga pahiyas sa kinhason nga mohugong,+ 21  sa mga singsing sa tudlo ug sa mga singsing sa ilong,+ 22  sa mga besting halangdon ug sa mga pang-ibabaw nga tunika ug sa mga kupo ug sa mga puntil, 23  ug sa mga madaladala nga salamin+ ug sa mga pang-ilalom nga besti ug sa mga purong+ ug sa dagkong pandong.+ 24  “Ug mahitabo nga inay lana sa balsamo+ aduna lamang unyay kaabhong; ug inay nga bakos, usa ka pisi; ug inay sa maartehong pagsudlay sa buhok, pagkaupaw;+ ug inay mahalong besti, usa ka pagbakos ug sakong panapton;+ usa ka patik+ inay nga kaanyag. 25  Pinaagi sa espada ang imong kaugalingong mga tawo mapukan, ug ang imong pagkagamhanan pinaagi sa gubat.+ 26  Ug ang iyang mga ganghaan magbangotan+ ug magpahayag ug kasubo, ug siya pagakuhaan gayod sa tanan. Siya molingkod sa yuta mismo.”+

Mga Footnote