Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 27:1-13

27  Nianang adlawa si Jehova,+ uban sa iyang gahi ug dako ug lig-ong espada,+ mopunting sa iyang pagtagad ngadto sa Leviatan,+ ang nagadailos nga halas,+ ngadto gayod sa Leviatan, ang baliko nga halas, ug iyang patyon gayod ang dakong linalang+ nga anaa sa dagat.  Nianang adlawa awiti ninyo siya:+ “Usa ka parasan+ sa bulaon nga bino!  Ako, si Jehova, magapanalipod kaniya.+ Sa matag gutlo ako magbisibis kaniya.+ Aron walay usa nga mopunting sa iyang pagtagad batok kaniya, ako mopanalipod kaniya bisag gabii ug adlaw.+  Ako walay gihambin nga kaaligutgot.+ Kinsa ang mohatag kanako ug mga tunokong tanom+ ug mga bunglayon sa panggubatan? Akong tumban kana. Akong sunogon kana sa samang higayon.+  Kon dili man, pagunita siya sa akong salipdanan, makigdait siya uban kanako; uban kanako makigdait siya.”+  Sa umaabot nga mga adlaw si Jacob mogamot, si Israel+ mamulak ug sa tinuod manaha; ug ilang pun-on gayod sa abot ang nawong sa mabungahong yuta.+  Pagahampakon ba siya sama sa hampak sa usa nga nagahampak kaniya? O pagapatyon ba siya sama sa pagpatay sa mga nangamatay kaniya?+  Uban sa mahurawong singgit ikaw makigsangka kaniya sa dihang pabiyaon siya. Siya maghingilin kaniya pinaagi sa iyang pagbulhot, usa nga makusog sa adlaw sa hangin nga timog.+  Busa pinaagi niini ang kasaypanan ni Jacob pagahimoan ug pagtabon-sa-sala,+ ug kini ang tanang bunga sa dihang iyang wagtangon ang iyang sala,+ sa dihang ang tanang bato sa halaran himoon niyang sama sa anapog nga gipulpog, aron ang mga sagradong poste+ ug mga tungtonganan sa insenso dili mobarog.+ 10  Kay ang kinutaang siyudad mag-inusara, ang sibsibanan pasagdan ug talikdan sama sa usa ka kamingawan.+ Dinha ang nating baka manibsib, ug dinha kini mohigda; ug kini magakaon sa iyang mga dagkong sanga.+ 11  Sa dihang malaya na ang iyang mga salingsing, ang mga babaye nga mangabot magbanggi niini, magdaob niini.+ Kay kini dili usa ka katawhan nga lantip ug pagsabot.+ Mao nga ang Magbubuhat niini dili magpakitag kaluoy niini, ug ang kaugalingong Mag-uumol niini dili magpakitag pabor niini.+ 12  Ug mahitabo nianang adlawa nga si Jehova magdughit sa bunga,+ gikan sa agos sa Suba+ hangtod sa bul-oganang walog sa Ehipto,+ ug busa kamo pamuniton nga tinagsa,+ Oh mga anak sa Israel. 13  Ug mahitabo nianang adlawa nga patingogon ang usa ka dakong budyong,+ ug kadtong nagakalaglag sa yuta sa Asirya+ ug kadtong nangatibuagsa sa yuta sa Ehipto+ tinong moabot ug moyukbo+ kang Jehova diha sa balaang bukid sa Jerusalem.+

Mga Footnote