Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 26:1-21

26  Nianang adlawa+ kining awita pagaawiton+ diha sa yuta sa Juda:+ “Kami adunay malig-on nga siyudad.+ Ang kaluwasan iyang ginapahimutang ingong mga paril ug kuta.+  Buksi ninyo ang mga ganghaan+ aron ang matarong nga nasod nga nagmatinumanon makasulod.+  Ang kiling nga pinaluyohan pag-ayo imong panalipdan sa mapinadayonong pakigdait,+ tungod kay diha kanimo ang usa nagasalig.+  Salig kamo kang Jehova+ sa tanang panahon, kay anaa kang Jah Jehova ang Bato+ sa mga panahong walay tino.  “Kay iyang gipukan kadtong mga nagpuyo sa hataas nga dapit,+ ang hataas nga lungsod.+ Iyang gipaubos kini, iyang gipaubos kini sa yuta; iyang gipadapat kini sa abog.+  Ang tiil magyatak niini, ang mga tiil sa sinakit, ang mga tunob sa mga timawa.”+  Ang alagianan sa matarong mao ang katul-iran.+ Tungod kay ikaw matul-id, imong hapsayon ang mismong dalan sa matarong.+  Oo, sa alagianan sa imong mga paghukom, Oh Jehova, kami naglaom kanimo.+ Ang imong ngalan ug ang imong handomanan+ mao ang gitinguha sa kalag.+  Uban sa akong kalag ako nagtinguha kanimo sa kagabhion;+ oo, uban sa akong espiritu sulod nako ako nagpadayon sa pagpangita kanimo;+ tungod kay, sa dihang adunay mga paghukom gikan kanimo alang sa yuta,+ ang pagkamatarong+ mao gayod ang makat-onan sa mga molupyo sa mabungahong yuta.+ 10  Bisan pag ang daotan pagakaluy-an, siya dili gayod makakat-on ug pagkamatarong.+ Diha sa yuta sa katul-iran siya dili magminatarong+ ug dili makakita sa kahalangdon ni Jehova.+ 11  Oh Jehova, ang imong kamot gipataas,+ apan sila wala makakita niini.+ Sila makakita ug mangaulaw+ sa kasibot alang sa imong katawhan. Oo, ang kalayo+ alang sa imong mga kaaway molamoy kanila. 12  Oh Jehova, ikaw magpakanaog ug pakigdait kanamo,+ tungod kay bisan ang tanan namong mga buluhaton imong gihimo alang kanamo.+ 13  Oh Jehova nga among Diyos, ang ubang mga agalon gawas kanimo milihok nga samag mga tag-iya kanamo.+ Pinaagi kanimo lamang nga kami magahisgot sa imong ngalan.+ 14  Sila mga patay; sila dili mabuhi.+ Kay walay gahom sa kamatayon,+ sila dili mobangon.+ Busa imong giliso ang imong pagtagad aron laglagon mo sila ug wagtangon ang tanang paghisgot kanila.+ 15  Ikaw nagdugang sa nasod; Oh Jehova, ikaw nagdugang sa nasod;+ ikaw naghimaya sa imong kaugalingon.+ Imong gipasangkad sa halayo ang tanang utlanan sa yuta.+ 16  Oh Jehova, sa panahon sa kasakit ilang giliso ang ilang pagtagad nganha kanimo;+ ilang gipahayag ang hinagawhaw nga pag-ampo sa dihang sila imong gidisiplina.+ 17  Ingon sa usa ka babayeng mabdos nga hapit nang manganak, nga may kasakit sa pagbati, nga motiyabaw tungod sa kaul-ol sa pagpanganak, kami nahimong ingon usab tungod kanimo, Oh Jehova.+ 18  Kami nagmabdos, kami nagbati;+ kami, ingnon ta, nanganak ug hangin. Walay tinuod nga kaluwasan nga among nahimo kon mahitungod sa yuta,+ ug walay gipanganak nga mga molupyo alang sa mabungahong yuta.+ 19  “Ang imong mga patay mangabuhi.+ Ang akong mga patayng lawas—sila mobangon.+ Pagmata ug paghugyaw sa kalipay, kamong mga pumoluyo sa abog!+ Kay ang imong yamog+ maoy ingon sa yamog sa mga malba,+ ug ang yuta magtugot bisan niadtong walay gahom sa kamatayon nga mahimugso.+ 20  “Lakaw, akong katawhan, sulod ngadto sa inyong sulod nga mga lawak, ug sirhi ang mga pultahan luyo kaninyo.+ Panago kamo sa makadiyot lamang hangtod nga ang mahukmanong pagsaway molabay.+ 21  Kay, tan-awa! si Jehova mogula gikan sa iyang dapit aron maningil sa kasaypanan sa molupyo sa yuta batok kaniya,+ ug ang yuta tinong magpadayag sa iyang pagpabanaw ug dugo+ ug dili na magtabon sa iyang mga pinatay.”+

Mga Footnote