Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 25:1-12

25  Oh Jehova, ikaw ang akong Diyos.+ Bayawon ko ikaw,+ dayegon ko ang imong ngalan,+ kay ikaw nakabuhat ug katingalahang mga butang,+ mga laraw+ sukad sa unang kapanahonan, sa pagkamatinumanon,+ sa pagkakasaligan.+  Kay imong gihimo ang usa ka siyudad ingong tapok sa mga bato, ang usa ka kinutaang lungsod ingong kagun-oban, ang usa ka puloy-anang torre sa mga estranyo nga dili na siyudad, nga dili tukoron pag-usab bisan hangtod sa panahong walay tino.+  Mao nga kadtong usa ka katawhang kusganon maghimaya kanimo; ang lungsod sa malupigong kanasoran, sila mangahadlok kanimo.+  Kay ikaw nahimong usa ka salipdanan sa timawa, usa ka salipdanan sa kabos diha sa iyang kasakit,+ usa ka dalangpanan gikan sa bagyo, usa ka landong+ gikan sa kainit, sa dihang ang huros sa mga malupigon maoy sama sa bagyo nganha sa paril.  Sama sa kainit diha sa walay-tubig nga yuta, ang kabanha sa mga estranyo imong gibuntog, ang kainit pinaagi sa landong sa usa ka panganod.+ Ang awit sa mga malupigon nasugpo.+  Ug si Jehova sa mga panon maghikay gayod alang sa tanang katawhan,+ niining bukira,+ ug usa ka bangkete sa mantikaon kaayo nga pagkaon,+ usa ka bangkete sa bino nga pinalugdang, sa mantikaon kaayo nga pagkaon nga puno sa utok sa bukog,+ sa bino+ nga pinalugdang, sinala.+  Ug niining bukira iyang lamyon gayod ang tabon nga nagatabon sa tanang mga katawhan,+ ug ang hinabol nga nalala sa tanang kanasoran.  Iyang lamyon gayod ang kamatayon hangtod sa kahangtoran,+ ug ang Soberanong Ginoong Jehova tinong magpahid sa mga luha gikan sa tanang nawong.+ Ug ang kaulawan sa iyang katawhan iyang wagtangon gikan sa tibuok yuta,+ kay si Jehova maoy nagsulti niini.  Ug nianang adlawa ang usa tinong moingon: “Tan-awa! Kini mao ang atong Diyos.+ Kita naglaom diha kaniya,+ ug siya magluwas kanato.+ Kini mao si Jehova.+ Kita naglaom diha kaniya. Magmalipayon kita ug magmaya diha sa iyang kaluwasan.”+ 10  Kay ang kamot ni Jehova mopahiluna niining bukira,+ ug ang Moab pagayatakyatakan+ sa dapit niini sama sa dihang yatakyatakan ang tapok sa uhot diha sa usa ka dapit sa mga kinalibang.+ 11  Ug iyang ikabya ang iyang mga kamot sa taliwala niini sama sa dihang ikabya kini sa usa ka maglalangoy aron sa paglangoy, ug iyang igapaubos ang pagkamapahitas-on niini+ pinaagi sa malinglahong mga lihok sa iyang mga kamot. 12  Ug ang kinutaang siyudad, uban sa imong hatag-as nga mga paril sa panalipod, iyang lumpagon kini; iyang ipaubos kini, padapaton kini sa yuta, nganha sa abog.+

Mga Footnote