Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 22:1-25

22  Ang pahayag sa walog sa panan-awon:+ Nan, unsay nahitabo kanimo nga ikaw sa kinatibuk-an misaka man ngadto sa mga atop?+  Ikaw napuno sa kaguliyang, usa ka masaba nga siyudad, usa ka masadyaon nga lungsod.+ Ang imong mga patay dili kadtong mga pinatay sa espada, ni kadtong nangamatay sa gubat.+  Ang tanan nimong mga diktador+ mismo nangalagiw sa usa ka higayon.+ Sila gidalang binilanggo nga wala manginahanglan ug pana. Ang tanan kaninyo nga nakaplagan gidalang binilanggo sa tingob.+ Sila mikalagiw sa halayo.  Mao nga ako miingon: “Ayaw ninyo ako sud-onga. Ako mohilak sa mapait.+ Ayaw kamo pamugos sa paghupay kanako labot sa paglaglag sa anak nga babaye sa akong katawhan.+  Kay adlaw kini sa kaguliyang+ ug sa pagyatak+ ug sa pagkalibog+ nga iya sa Soberanong Ginoo, si Jehova sa mga panon, sa walog sa panan-awon. Anaa ang manggugun-ob sa paril,+ ug ang pagsinggit ngadto sa bukid.+  Ug ang Elam+ nagkuha sa udyongan, diha sa karo nga iggugubat sa yutan-ong tawo, uban sa mga kabayong iggugubat; ug gibuksan sa Kir+ ang taming.  Ug mahitabo nga ang labing pinili sa imong ubos nga kapatagan mapuno gayod sa mga karo nga iggugubat, ug ang mga kabayong iggugubat mismo mopuwesto gayod diha sa ganghaan,  ug kuhaon sa usa ang salipod sa Juda. Ug ikaw molantaw nianang adlawa ngadto sa tipiganan sa mga hinagiban+ sa balay sa lasang,+  ug tino nga inyong makita ang mga gawang sa Siyudad ni David, kay daghan gayod unya kini.+ Ug inyong tigomon ang mga tubig sa ubos nga linaw.+ 10  Ug inyong iphon ang mga balay sa Jerusalem. Inyong tumpagon usab ang mga balay aron dili maabot ang paril.+ 11  Ug aduna unyay usa ka tigomanang dulang nga inyong pagahimoon taliwala sa duha ka paril alang sa mga tubig sa daan nga linaw.+ Ug tino nga kamo dili motan-aw sa Dakong Magbubuhat niini, ug ang usa nga nag-umol niini dugay na kanhi tinong dili ninyo makita. 12  “Ug ang Soberanong+ Ginoo, si Jehova sa mga panon, motawag nianang adlawa alang sa paghilak+ ug alang sa pagbangotan ug alang sa pagkaupaw ug alang sa pagbakos ug sakong panapton.+ 13  Apan, tan-awa! kasadya ug pagmaya, ang pagpatay sa mga baka ug ang pag-ihaw sa mga karnero, ang pagkaon sa unod ug ang pag-inom sa bino,+ ‘Mangaon ug manginom kita, kay ugma kita mangamatay.’”+ 14  Ug sa akong mga igdulungog si Jehova sa mga panon nagpadayag sa iyang kaugalingon:+ “‘Kini nga kasaypanan dili pagahimoan ug pagtabon-sa-sala+ alang kaninyo hangtod kamo mangamatay,’+ miingon ang Soberanong Ginoo, si Jehova sa mga panon.” 15  Mao kini ang giingon sa Soberanong Ginoo, si Jehova sa mga panon: “Lakaw, sulod ngadto niini nga piniyalan, kang Sebna,+ nga nagdumala sa balay,+ 16  ‘Unsa bay gikaikagan nimo dinhi, ug kinsa bay gikaikagan nimo dinhi, nga ikaw nagbangag man dinhi ug lubnganan alang sa imong kaugalingon?’+ Sa hataas nga dapit siya nagbangag sa iyang lubnganan; diha sa usa ka dakong bato siya nagtabas ug usa ka pinuy-anan alang sa iyang kaugalingon. 17  ‘Tan-awa! Si Jehova magalabay kanimo sa makusog, Oh tawo nga lig-on ug lawas, ug kusganong magagunit kanimo. 18  Siya sa walay pakyas hugot nga maglimin kanimo, sama sa usa ka bola alang sa halapad nga yuta. Didto ikaw mamatay, ug didto ang mga karo sa imong himaya mahimong kaulawan sa balay sa imong agalon. 19  Ug palagpoton ko ikaw gikan sa imong posisyon; ug gikan sa imong katungdanan adunay magtangtang kanimo.+ 20  “‘Ug mahitabo nianang adlawa nga ako magtawag sa akong alagad,+ nga mao, si Eliakim+ nga anak nga lalaki ni Hilkias.+ 21  Ug akong pagasul-oban siya sa imong taas nga besti, ug ang imong paha akong hugton pagbugkos libot kaniya,+ ug ang imong dominyo akong ihatag sa iyang kamot; ug siya mahimo gayod nga usa ka amahan sa molupyo sa Jerusalem ug sa balay sa Juda.+ 22  Ug akong igabutang ang yawi+ sa balay ni David sa iyang abaga, ug siya magabukas nga walay bisan kinsa nga magasira, ug siya magasira nga walay bisan kinsa nga magabukas.+ 23  Ug akong ipadulot siya sama sa usa ka tarugo+ sa usa ka dapit nga malungtaron, ug siya mahimo gayong sama sa usa ka trono sa himaya sa balay sa iyang amahan.+ 24  Ug ilang isab-ong kaniya ang tanang himaya sa balay sa iyang amahan, ang mga kaliwat ug ang mga sanga, ang tanang sudlanan nga gagmay, ang mga sudlanan nga panaksan ingon man ang tanang sudlanan nga mga tadyaw. 25  “‘Nianang adlawa,’ mao ang giingon ni Jehova sa mga panon, ‘ang tarugo+ nga gipadulot sa usa ka dapit nga malungtaron ibton,+ ug kini putlon ug mahulog, ug ang luwan nga anaa sa ibabaw niini putlon, kay si Jehova nagsulti niini.’”+

Mga Footnote