Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Isaias 21:1-17

21  Ang pahayag batok sa kamingawan sa dagat:+ Sama sa mga unos+ diha sa habagatan sa paghuros sa unahan, kini magagikan sa kamingawan, gikan sa usa ka makalilisang nga yuta.+  Adunay usa ka bug-at nga panan-awon+ nga gisaysay kanako: Ang malipoton nagmalipoton, ug ang maglalaglag nagapanglaglag.+ Tungas, Oh Elam! Likosi, Oh Media!+ Ang tanang pagpanghupaw tungod kaniya akong gipahunong.+  Mao nga ang akong balat-ang nahupong sa grabeng kaul-ol.+ Ang pagpangurog mihakop kanako, sama sa pagpangurog sa usa ka babayeng manganak.+ Ako nalibog mao nga wala ako makadungog; ako natugaw mao nga wala ako makakita.  Ang akong kasingkasing naglatagaw; ang pagpangurog mismo nakapalisang kanako. Ang kilumkilom nga akong gikawilihan nakapakurog kanako.+  Ipaandam ang lamesa, ipahimutang ang mga lingkoranan, himoa ang pagpangaon, himoa ang pag-inom!+ Tindog, kamong mga prinsipe,+ dihogi ang taming.+  Kay mao kini ang giingon ni Jehova kanako: “Lakaw, pagbutang ug usa ka magbalantay aron iyang itaho kon unsay iyang makita.”+  Ug iyang nakita ang usa ka karo nga iggugubat nga may usa ka parisan sa mga kabayong iggugubat, usa ka karo nga iggugubat sa mga asno, usa ka karo nga iggugubat sa mga kamelyo. Ug siya nagmatinagdanon pag-ayo uban ang dakong pagkamatinagdanon.  Ug siya misinggit sama sa usa ka leyon:+ “Diha sa bantayanang torre, Oh Jehova, ako nagbarog kanunay sa maadlaw, ug sa akong puwestong-bantayanan ako nagpahimutang sa tanang gabii.+  Ug ania, karon, adunay nagsingabot nga karo nga iggugubat sa mga tawo, nga may usa ka parisan sa mga kabayong iggugubat!”+ Ug siya nagpahayag ug miingon: “Siya napukan na! Ang Babilonya napukan na,+ ug ang tanang kinulit nga mga larawan sa iyang mga diyos iyang gidugmok sa yuta!”+ 10  Oh akong mga giniok ug ang anak sa akong giokanan,+ kon unsa ang akong nadungog gikan kang Jehova sa mga panon, ang Diyos sa Israel, akong gitaho kaninyo. 11  Ang pahayag batok sa Duma: Kanako adunay nagatawag gikan sa Seir:+ “Tigbantay, komosta man ang gabii? Tigbantay, komosta man ang gabii?”+ 12  Ang tigbantay miingon: “Ang kabuntagon moabot gayod, ug usab ang kagabhion. Kon kamo magpakisayod, pagpakisayod. Anhi pag-usab!” 13  Ang kapahayagan batok sa desyertong kapatagan: Sa lasang sa desyertong kapatagan kamo magpalabay sa kagabhion, Oh nagapanawng panon sa mga tawo sa Dedan.+ 14  Sa pagsugat sa giuhaw pagdala kamo ug tubig. Oh kamong mga molupyo sa yuta sa Tema,+ atubanga ang mikalagiw nga may dalang tinapay alang kaniya. 15  Kay tungod sa mga espada sila mikalagiw, tungod sa hinuso nga espada, ug tungod sa binawog nga busogan ug tungod sa kagrabe sa gubat. 16  Kay mao kini ang giingon ni Jehova kanako: “Sulod sa usa pa ka tuig, sumala sa mga tuig sa usa ka sinuholang mamumuo,+ ang tanang himaya sa Kedar+ mahanaw gayod. 17  Ug ang mga mahibilin sa gidaghanon sa mga magpapana, ang mga tawong gamhanan sa mga anak sa Kedar, modiyutay,+ kay si Jehova, ang Diyos sa Israel, nagsulti niini.”+

Mga Footnote