Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 18:1-7

18  Ah, ang yuta sa nagahadyong nga mga insektong pak-an, nga anaa sa rehiyon sa mga suba sa Etiopia!+  Kini mao ang usa nga nagapadalag mga sinugo+ pinaagi sa dagat, ug pinaagi sa mga sakayan nga papiro sa nawong sa katubigan, nga nag-ingon: “Panglakaw kamo, matulin nga mga mensahero, ngadto sa usa ka nasod nga taas ug hamis ug pamanit, sa usa ka katawhan nga makalilisang sa tanang dapit, usa ka nasod nga maunaton ug kusog ug nagatamaktamak, kansang yuta gibanlas sa mga suba.”+  Kamong tanang molupyo sa mabungahong yuta+ ug kamong mga pumoluyo sa yuta, kamo makakitag usa ka talan-awon sama sa dihang patindogon ang usa ka timaan ibabaw sa kabukiran,+ ug kamo makadungog ug tingog sama sa dihang huypon ang budyong.+  Kay kini mao ang giingon ni Jehova kanako: “Ako magpabiling dili matugaw ug motan-aw sa akong piho nga dapit,+ sama sa masulaw nga kainit uban sa kahayag,+ sama sa panganod sa yamog sa kainit sa pag-ani.+  Kay sa dili pa ang pag-ani, sa dihang ang bulak modangat sa kahingpitan ug ang bulak mahimong ubas nga nagakahinog, ang usa kinahanglan usab nga magputol sa mga salingsing pinaagi sa mga galab ug pagakuhaon ang mga gaway, pamutlon kini.+  Kining tanan igabilin alang sa langgam nga mandadagit sa kabukiran ug alang sa mananap sa yuta.+ Ug diha niana ang langgam nga mandadagit magpalabay sa ting-init, ug diha niana ang tanan gayong mananap sa yuta magpalabay sa ting-ani.+  “Nianang panahona usa ka gasa ang dad-on ngadto kang Jehova sa mga panon,+ gikan sa usa ka katawhan nga taas ug hamis ug pamanit,+ gikan sa usa ka katawhan nga makalilisang sa tanang dapit, usa ka nasod nga maunaton ug kusog ug nagatamaktamak, kansang yuta gibanlas sa mga suba, ngadto sa dapit sa ngalan ni Jehova sa mga panon, ang Bukid sa Zion.”+

Mga Footnote