Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Isaias 15:1-9

15  Ang pahayag batok sa Moab:+ Tungod kay sa kagabhion kini gilaglag, ang Ar+ sa Moab gipahilom. Tungod kay sa kagabhion kini gilaglag, ang Kir+ sa Moab gipahilom.  Siya mitungas ngadto sa Balay ug sa Dibon,+ ngadto sa hatag-as nga mga dapit, aron sa pagdanguyngoy. Tungod sa Nebo+ ug sa Medeba+ ang Moab mitiyabaw. Ang tanang ulo diha niini upaw;+ ang tanang bungot gipamutlan.  Sa kadalanan niini sila nagsul-ob ug sakong panapton.+ Ibabaw sa mga atop+ niini ug sa mga plasa niini ang matag usa niini nagtiyabaw, nanaog nga nagdanguyngoy.+  Ug ang Hesbon ug ang Eleale+ misinggit. Hangtod sa Jahaz+ nadungog ang ilang tingog. Mao nga ang mga tawong armado sa Moab nagapaninggit. Ang iya mismong kalag nangurog sa iyang kahiladman.  Ang akong kasingkasing nagatuaw tungod sa Moab.+ Ang mga kagiw niini nakaabot hangtod sa Zoar+ ug Eglat-selisiya.+ Kay sa tungasanan sa Luhit+—uban sa pagdanguyngoy ang matag usa nagatungas niana; kay diha sa dalan paingon sa Horonaim+ sila nag-aghat sa pagtuaw tungod sa katalagman.  Kay ang katubigan mismo sa Nimrim+ nahimong bug-os nga biniyaan. Kay ang lunhaw nga balili nalaya, ang balili nahanaw na; wala nay nahimong lunhaw.+  Mao nga ang mga salin ug ang ilang tinipigang manggad, nga ilang gitigom, ilang ginadala kini tabok mismo sa bul-oganang walog sa mga alamo.  Kay ang pagtuaw nakaabot libot sa teritoryo sa Moab.+ Ang pagtiyabaw niini maoy hangtod sa Eglaim; ang pagtiyabaw niini maoy hangtod sa Beer-elim,  tungod kay ang katubigan mismo sa Dimon napuno sa dugo. Kay diha sa Dimon ako magpahiluna ug dugang mga butang, sama sa usa ka leyon alang sa mga nangikyas sa Moab ug alang sa mga nahibilin sa yuta.+

Mga Footnote