Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Hebreohanon 7:1-28

7  Kay kini si Melquisedek, nga hari sa Salem, saserdote sa Labing Hataas nga Diyos,+ nga misugat kang Abraham sa pagpauli niya gikan sa pagpamatay sa mga hari ug nagpanalangin kaniya+  ug nga gibahinan ni Abraham ug ikapulo sa tanang butang,+ maoy una sa tanan, ingong hubad, “Hari sa Pagkamatarong,” ug unya hari usab sa Salem,+ nga mao, “Hari sa Pakigdait.”  Kay siya walay amahan, walay inahan, walay talaan sa kagikan, walay sinugdan sa mga adlaw+ ni kataposan sa kinabuhi, apan gihimong sama sa Anak sa Diyos,+ siya magpabilin nga saserdote hangtod sa kahangtoran.+  Nan, palandonga ninyo kon unsa kadako kining tawhana nga kaniya si Abraham, ang ulo sa banay, naghatag ug ikapulo gikan sa labing maayong mga inagaw sa gubat.+  Tinuod, ang mga lalaki gikan sa mga anak ni Levi+ nga nakadawat sa ilang katungdanan sa pagkasaserdote may sugo sa pagkolekta ug ikapulo+ gikan sa katawhan+ sumala sa Balaod, nga mao, gikan sa ilang mga igsoon, bisan pa kon sila naggikan sa balat-ang ni Abraham;+  apan kadtong tawhana nga wala makasubay sa iyang kagikan+ gikan kanila nakadawat ug mga ikapulo gikan kang Abraham+ ug nagpanalangin kaniya nga maoy nakabaton sa mga saad.+  Karon dili-malalis, ang usa nga ubos pagapanalanginan sa usa nga labaw kaniya.+  Ug sa usa ka kahimtang ang mga tawo nga may-kamatayon ang magadawat ug mga ikapulo,+ apan sa lain nga kahimtang kini mao ang usa nga gipamatud-an nga siya buhi.+  Ug, kon makagamit ako sa mga pulong, pinaagi kang Abraham bisan si Levi nga magadawat ug mga ikapulo nagbayad ug mga ikapulo, 10  kay siya didto pa man sa balat-ang+ sa iyang katigulangan sa dihang gisugat siya ni Melquisedek.+ 11  Nan, kon ang pagkahingpit+ maoy pinaagi gayod sa Levihanong pagkasaserdote,+ (kay uban niini ingon nga usa ka bahin nga ang katawhan gihatagan sa Balaod,)+ nganong gikinahanglan pa man+ nga ang laing saserdote mobarog sa paagi nga sama kang Melquisedek+ ug dili sa paagi nga sama kang Aaron? 12  Kay sanglit ang pagkasaserdote ginausab man,+ kinahanglan usab ang kausaban sa balaod.+ 13  Kay ang tawo nga labot kaniya kining mga butanga gihisgotan maoy sakop man sa laing tribo,+ nga gikan niini walay usa nga nag-alagad sa halaran.+ 14  Kay dayag man kaayo nga ang atong Ginoo migula gikan sa Juda,+ usa ka tribo nga bahin niini walay gisulti si Moises mahitungod sa mga saserdote. 15  Ug labi pa gayong tin-aw kini sa dihang may mibarog nga laing saserdote+ nga may pagkasama kang Melquisedek,+ 16  nga nahimong ingon, dili sumala sa balaod sa usa ka sugo nga pinasukad sa unod,+ kondili sumala sa gahom sa kinabuhi nga dili malaglag,+ 17  kay agig pagpamatuod kini giingon: “Ikaw usa ka saserdote hangtod sa kahangtoran sa paagi nga sama kang Melquisedek.”+ 18  Nan, tino nga gihiklin ang naunang sugo tungod sa kahuyang+ ug pagkadili-epektibo niini.+ 19  Kay ang Balaod walay nahimong hingpit,+ apan nahimo kini sa pagpasulod sa usa ka mas maayong paglaom,+ nga pinaagi niini nagaduol kita sa Diyos.+ 20  Dugang pa, ingon nga kadto dili kay walay panumpa, 21  (kay sa pagkatinuod adunay mga tawo nga nahimong mga saserdote nga walay panumpa, apan adunay usa nga may panumpa nga gipanumpa sa Usa nga miingon labot kaniya: “Si Jehova nanumpa+ (ug dili siya magbasol), ‘Ikaw usa ka saserdote hangtod sa kahangtoran,’”)+ 22  sa ingon usab si Jesus mao ang gihatag ingon nga pasalig sa usa ka mas maayong pakigsaad.+ 23  Dugang pa, daghan ang nahimong mga saserdote nga sunodsunod+ tungod kay nababagan sa kamatayon+ sa pagpadayon nga ingon, 24  apan tungod sa pagpadayong buhi hangtod sa kahangtoran+ siya naghupot sa iyang pagkasaserdote nga walay mga manununod. 25  Tungod niana siya makahimo usab sa pagluwas sa bug-os kanilang nagaduol sa Diyos pinaagi kaniya, tungod kay siya buhi man kanunay aron sa pagpangamuyo alang kanila.+ 26  Kay kini nga hataas nga saserdote maoy angay alang kanato,+ maunongon,+ walay sala,+ wala mahugawi,+ nahimulag sa mga makasasala,+ ug nahimong hataas pa kay sa mga langit.+ 27  Dili kinahanglan nga siya sa adlaw-adlaw,+ ingon sa ginahimo niadtong hataas nga mga saserdote, motanyag ug mga halad, una alang sa iyang kaugalingong mga sala+ ug unya alang niadtong sa katawhan:+ (kay kini iyang gihimo makausa+ alang sa tanang panahon sa dihang gihalad+ niya ang iyang kaugalingon;) 28  kay ang Balaod nagtudlo sa mga tawo nga may mga kaluyahon+ ingong hataas nga mga saserdote,+ apan ang pulong sa panumpa+ nga miabot human sa Balaod nagtudlo sa usa ka Anak, nga nahimong hingpit+ hangtod sa kahangtoran.

Mga Footnote