Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Hebreohanon 4:1-16

4  Busa, sanglit nagpadayon ang saad labot sa pagsulod sa iyang kapahulayan,+ mahadlok kita nga basin may usa kaninyo nga isipong wala makakab-ot niini.+  Kay kita gikapahayagan usab sa maayong balita,+ sama usab kanila;+ apan ang pulong nga ilang nadungog wala magpulos kanila,+ tungod kay wala man sila mahiusa sa pagtuo+ uban niadtong mga nakadungog.+  Kay kita nga nagpasundayag ug pagtuo mosulod niana nga kapahulayan, ingon sa iyang gisulti: “Busa sa akong kasuko ako nanumpa,+ ‘Dili sila makasulod+ sa akong kapahulayan,’”+ bisan tuod ang iyang mga buhat nahuman+ na sukad pa sa pagkatukod sa kalibotan.+  Kay sa usa ka dapit mao kini ang iyang giingon labot sa ikapitong adlaw: “Ug ang Diyos mipahulay sa ikapitong adlaw gikan sa tanan niyang mga buhat,”+  ug usab niining dapita: “Dili sila makasulod sa akong kapahulayan.”+  Busa, sanglit ang pipila mahimo pa nga makasulod niini, ug kadtong unang napahayagan sa maayong balita+ wala man makasulod tungod sa pagkadili-masinugtanon,+  siya nagtudlo pag-usab ug usa ka adlaw pinaagi sa pag-ingon human sa hataas kaayong panahon diha sa salmo ni David “Karong adlawa”; ingon sa gisulti sa itaas: “Karong adlawa kon kamo mamati sa iyang tingog,+ ayaw patig-aha ang inyong mga kasingkasing.”+  Kay kon gidala pa sila ni Josue+ ngadto sa usa ka dapit nga kapahulayan,+ ang Diyos dili na unta maghisgot+ pa sa ulahi ug laing adlaw.  Busa adunay nagpabilin nga usa ka pagpahulay sa igpapahulay alang sa katawhan sa Diyos.+ 10  Kay ang tawo nga nakasulod sa kapahulayan sa Diyos+ nakapahulay usab gikan sa iyang kaugalingong mga buhat,+ sama nga mipahulay ang Diyos gikan sa iyang mga buhat. 11  Busa buhaton nato ang kutob sa atong maarangan nga makasulod niana nga kapahulayan, kay basin may usa nga mahulog sa samang sumbanan sa pagkadili-masinugtanon.+ 12  Kay ang pulong+ sa Diyos buhi+ ug gamhanan+ ug mahait pa kay sa espada nga duhay-sulab+ ug modulot bisan hangtod sa pagbahin sa kalag+ ug sa espiritu,+ ug sa mga lutahan ug sa ilang uyok, ug makatugkad sa mga hunahuna ug mga tuyo sa kasingkasing.+ 13  Ug walay linalang nga dili dayag sa iyang panan-aw,+ apan ang tanang butang hubo ug binuksan sa mga mata niya nga kaniya manubag kita.+ 14  Busa, sanglit kita adunay usa ka dakong hataas nga saserdote nga nakalatas sa mga langit,+ si Jesus nga Anak sa Diyos,+ panguptan nato ang atong pagpahayag labot kaniya.+ 15  Kay ang atong hataas nga saserdote, dili usa nga dili mobati+ sa atong mga kaluyahon, kondili usa nga nasulayan sa tanang paagi sama kanato, apan walay sala.+ 16  Busa, uban ang kagawasan sa pagsulti+ manuol+ kita sa trono sa dili-takos nga kalulot, aron makadawat kita ug kaluoy ug makakaplag ug dili-takos nga kalulot ingong tabang sa hustong panahon.+

Mga Footnote