Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Hebreohanon 3:1-19

3  Busa, mga igsoong balaan, mga mag-aambit sa langitnong pagtawag,+ tagda ang apostol+ ug hataas nga saserdote nga atong gipahayag+—si Jesus.  Siya nagmatinumanon+ sa Usa nga naghimo kaniyang ingon, sama usab kang Moises+ diha sa tibuok nga balay niana nga Usa.+  Kay ang naulahi giisip nga takos sa labaw nga himaya+ kay kang Moises, sanglit siya+ nga nagtukod labaw ug dungog kay sa balay.+  Dayag, ang matag balay adunay nagtukod, apan siya nga nagtukod sa tanang butang mao ang Diyos.+  Ug si Moises ingon nga alagad+ nagmatinumanon diha sa tibuok nga balay niana nga Usa ingon nga pagpamatuod sa mga butang nga igasulti sa ulahi,+  apan si Kristo nagmatinumanon ingon nga Anak+ sa pagdumala sa balay niana nga Usa. Kita mao ang balay niana nga Usa,+ kon mangupot kita pag-ayo sa atong kagawasan sa pagsulti ug sa atong pagpasigarbo mahitungod sa paglaom nga malig-on hangtod sa kataposan.+  Tungod niini, ingon sa gisulti sa balaang espiritu:+ “Karong adlawa kon kamo mamati sa iyang tingog,+  ayaw patig-aha ang inyong mga kasingkasing sama niadtong higayon nga gipahinabo ang hilabihang kasuko,+ ingon sa adlaw sa pagsulay+ didto sa kamingawan,+  diin ang inyong mga katigulangan misulay kanako, ug gani nakita nila ang akong mga buhat+ sulod sa kap-atan ka tuig.+ 10  Tungod niini napungot ako niini nga kaliwatan ug miingon, ‘Kanunay silang mahisalaag sa ilang mga kasingkasing,+ ug wala sila mahibalo sa akong mga dalan.’+ 11  Busa sa akong kasuko ako nanumpa, ‘Dili sila makasulod+ sa akong kapahulayan.’”+ 12  Pagbantay, mga igsoon, kay basin maugmad diha kang bisan kinsa kaninyo ang daotang kasingkasing nga walay pagtuo pinaagi sa pagpahilayo sa buhi nga Diyos;+ 13  apan magpadayon sa pagtinambagay+ ang usag usa sa matag adlaw, samtang matawag pa kini nga “Karong adlawa,”+ kay basin may si bisan kinsa kaninyo nga magmatig-a tungod sa malimbongong+ gahom sa sala. 14  Kay kita sa pagkatinuod mahimong mga mag-aambit kang Kristo+ kon kita mangupot pag-ayo sa pagsalig nga atong nabatonan sa sinugdan nga malig-on hangtod sa kataposan,+ 15  samtang kini ginaingon: “Karong adlawa kon kamo mamati sa iyang tingog,+ ayaw patig-aha ang inyong mga kasingkasing sama niadtong higayon nga gipahinabo ang hilabihang kasuko.”+ 16  Kay kinsa ba sila nga nakadungog apan naghagit sa hilabihang kasuko?+ Dili ba, sa pagkatinuod, ang tanan nga migula sa Ehipto ilalom ni Moises?+ 17  Dugang pa, kinsa ba ang gikapungtan sa Diyos sulod sa kap-atan ka tuig?+ Dili ba silang nakasala, kansang patayng mga lawas nangapukan sa kamingawan?+ 18  Apan kang kinsa ba siya nanumpa+ nga dili sila makasulod sa iyang kapahulayan kondili kanila nga wala magmasinugtanon?+ 19  Busa nakita nato nga wala sila makasulod tungod sa kawalay-pagtuo.+

Mga Footnote