Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Hebreohanon 1:1-14

1  Ang Diyos, nga dugay na kanhi misulti sa daghang okasyon+ ug sa daghang paagi ngadto sa atong mga katigulangan pinaagi sa mga manalagna,+  nga sa kataposan niining mga adlawa+ misulti kanato pinaagi sa usa ka Anak,+ nga iyang gitudlo nga manununod sa tanang butang,+ ug pinaagi kang kinsa iyang gibuhat+ ang mga sistema sa mga butang.  Siya ang aninag sa iyang himaya+ ug ang tukma nga larawan sa iyang pagkamao,+ ug iyang gipatunhay ang tanang butang pinaagi sa pulong sa iyang gahom;+ ug human siya makahimog paglunsay alang sa atong mga sala+ siya milingkod sa tuong kamot+ sa Halangdon sa kahitas-an.+  Busa siya nahimong labaw pa kay sa mga manulonda,+ nga sa ingon siya nakapanunod sa usa ka ngalan+ nga mas hamili kay sa ila.  Pananglitan, kinsa ba gayod sa mga manulonda ang iyang giingnan: “Ikaw mao ang akong anak; ako, karong adlawa, ako nahimong imong amahan”?+ Ug usab: “Ako mahimong iyang amahan, ug siya mahimong akong anak”?+  Apan sa iyang gidala pag-usab ang iyang Panganay+ dinhi sa gipuy-ang yuta, siya nag-ingon: “Ug payukboa kaniya+ ang tanang manulonda sa Diyos.”+  Dugang pa, mahitungod sa mga manulonda siya miingon: “Ug iyang gihimo ang iyang mga manulonda nga mga espiritu, ug ang iyang publikong mga alagad nga dilaab sa kalayo.”+  Apan mahitungod sa Anak: “Ang Diyos maoy imong trono hangtod sa kahangtoran,+ ug ang setro sa imong gingharian+ mao ang setro sa katul-id.+  Gihigugma mo ang pagkamatarong, ug gidumtan mo ang pagkamalapason. Mao nga ang Diyos, ang imong Diyos, nagdihog+ kanimo sa lana sa kasadya labaw kay sa imong mga kauban.”+ 10  Ug: “Ikaw sa sinugdan, Oh Ginoo, nagpahimutang sa mga patukoranan sa yuta, ug ang mga langit maoy mga buhat sa imong mga kamot.+ 11  Sila mangahanaw, apan ikaw magapabilin; ug sama gayod sa usa ka panggawas nga besti+ silang tanan madaan, 12  ug imong pagahiposon sila sama sa kupo,+ sama sa panggawas nga besti; ug sila ilisan, apan ikaw mao sa gihapon, ug ang imong katuigan walay pagkatapos.”+ 13  Apan kinsa ba gayod sa mga manulonda ang iyang giingnan: “Lingkod sa akong tuong kamot, hangtod nga ibutang ko ang imong mga kaaway nga tumbanan sa imong mga tiil”?+ 14  Dili ba silang tanan mga espiritu+ alang sa publikong pag-alagad,+ nga gipadala aron mag-alagad niadtong magapanunod+ sa kaluwasan?

Mga Footnote