Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Haggeo 1:1-15

1  Sa ikaduha ka tuig ni Dario nga hari,+ sa ikaunom ka bulan, sa unang adlaw sa bulan, midangat ang pulong ni Jehova pinaagi kang Haggeo+ nga manalagna ngadto kang Zorobabel+ nga anak nga lalaki ni Sealtiel,+ ang gobernador sa Juda,+ ug ngadto kang Josue+ nga anak nga lalaki ni Jehozadak+ nga hataas nga saserdote, nga nag-ingon:  “Mao kini ang giingon ni Jehova sa mga panon,+ ‘Kon bahin niini nga katawhan, sila miingon: “Ang panahon wala pa moabot, ang panahon sa pagtukod sa balay ni Jehova.”’”+  Ug ang pulong ni Jehova nagpadayon sa pag-abot pinaagi kang Haggeo nga manalagna, nga nag-ingon:  “Panahon na ba alang kaninyo nga kamo magapuyo sa inyong mga balay nga plinigohan,+ samtang kining balaya guba?+  Ug karon mao kini ang giingon ni Jehova sa mga panon, ‘Tagda sa inyong kasingkasing ang inyong mga dalan.+  Nagpugas kamo ug daghan, apan diyutay ra ang inyong naani.+ Nagakaon kamo, apan wala kamo mabusog.+ Nagainom kamo, apan wala kamo mahubog. Nagasul-ob kamo ug mga besti, apan walay usa nga nahatagag kainit; ug siya nga nagpasuhol, nagpasuhol aron isulod sa puntil nga may mga buslot.’”+  “Mao kini ang giingon ni Jehova sa mga panon, ‘Tagda sa inyong kasingkasing ang inyong mga dalan.’+  “‘Tungas kamo sa bukid, ug pagdala kamog kahoy.+ Ug tukora ang balay,+ aron ako mahimuot niana+ ug ako pagahimayaon,’+ miingon si Jehova.”  “‘Nangita kamo ug daghan, apan ania, dihay diyutay lamang;+ ug inyong gidala kana sa inyong balay, ug gihuyop ko kana+—sa unsang katarongan?’+ mao ang giingon ni Jehova sa mga panon. ‘Tungod sa akong balay nga guba, samtang kamo nagadagan, ang tagsatagsa alang sa iyang kaugalingong balay.+ 10  Busa ibabaw kaninyo ang kalangitan nagpugong sa ilang yamog, ug ang yuta nagpugong sa iyang abot.+ 11  Ug ako nagtawag sa pagkamala ibabaw sa yuta, ug ibabaw sa kabukiran, ug ibabaw sa mga lugas, ug ibabaw sa bag-ong bino,+ ug ibabaw sa lana, ug ibabaw sa bisan unsa nga ipatungha sa yuta, ug ibabaw sa yutan-ong tawo, ug ibabaw sa binuhing mga hayop, ug ibabaw sa tanang gibudlayan sa mga kamot.’”+ 12  Ug si Zorobabel+ nga anak nga lalaki ni Sealtiel, ug si Josue nga anak nga lalaki ni Jehozadak+ nga hataas nga saserdote, ug ang tanang nahibilin sa katawhan namati sa tingog ni Jehova nga ilang Diyos,+ ug sa mga pulong ni Haggeo+ nga manalagna, sanglit siya gipadala man ni Jehova nga ilang Diyos; ug ang katawhan nahadlok tungod kang Jehova.+ 13  Ug si Haggeo nga mensahero+ ni Jehova miingon sa katawhan sumala sa sugo sa mensahero gikan ni Jehova,+ nga nag-ingon: “‘Ako nagauban kaninyo,’+ mao ang giingon ni Jehova.” 14  Ug gipalihok ni Jehova ang espiritu+ ni Zorobabel nga anak nga lalaki ni Sealtiel, ang gobernador sa Juda, ug ang espiritu ni Josue+ nga anak nga lalaki ni Jehozadak nga hataas nga saserdote, ug ang espiritu sa tanang nahibilin sa katawhan; ug sila miadto ug mibuhat sa buluhaton sa balay ni Jehova sa mga panon, nga ilang Diyos.+ 15  Kadto maoy sa ikakawhaag-upat ka adlaw sa ikaunom ka bulan sa ikaduha ka tuig ni Dario+ nga hari.

Mga Footnote