Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Genesis 20:1-18

20  Karon si Abraham mibalhig kampo gikan didto+ ngadto sa yuta sa Negeb ug mipuyo taliwala sa Kades+ ug sa Sur+ ug mipuyo ingong usa ka langyaw sa Gerar.+  Ug gisubli ni Abraham ang labot kang Sara nga iyang asawa: “Siya akong igsoong babaye.”+ Niana si Abimelek nga hari sa Gerar nagpasugo ug nagkuha kang Sara.+  Human niana ang Diyos miadto kang Abimelek diha sa usa ka damgo sa kagabhion ug miingon kaniya: “Ania, ikaw sama ra ug patay na tungod sa babaye nga imong gikuha,+ sanglit siya gipanag-iya na sa laing tag-iya ingong iyang asawa.”+  Hinuon, si Abimelek wala pa makaduol kaniya.+ Busa siya miingon: “Jehova, patyon ba nimo ang usa ka nasod nga sa pagkatinuod matarong?+  Wala ba siya mag-ingon kanako, ‘Siya akong igsoong babaye’? ug siya—wala ba usab siya mag-ingon, ‘Siya akong igsoong lalaki’? Sa pagkamatinud-anon sa akong kasingkasing ug uban sa pagkainosente sa akong mga kamot kini akong nabuhat.”+  Niana ang matuod nga Diyos miingon kaniya sa damgo: “Nahibaloan ko usab nga sa pagkamatinud-anon sa imong kasingkasing kini imong nabuhat,+ ug ako nagpugong usab kanimo nga makasala batok kanako.+ Mao nga ako wala magtugot kanimo nga hilabtan mo siya.+  Apan karon iuli ang asawa sa lalaki, kay siya usa ka manalagna,+ ug siya mangamuyo alang kanimo.+ Busa magpadayon nga buhi. Apan kon dili mo siya iuli, hibaloi nga ikaw gayod mamatay, ikaw ug ang tanan nga imoha.”+  Busa si Abimelek mibangon sayo sa buntag ug gitawag ang tanan niyang mga alagad ug gisulti kining tanang butanga sa ilang mga dalunggan. Ug ang kalalakin-an nangahadlok pag-ayo.  Unya si Abimelek mitawag kang Abraham ug miingon kaniya: “Unsay imong gibuhat kanamo, ug unsang sala ang akong nahimo batok kanimo, nga niana ikaw nagdala nganhi kanako ug sa akong gingharian ug usa ka dakong sala?+ Mga buhat nga dili unta angayng buhaton imong gibuhat labot kanako.”+ 10  Ug si Abimelek miingon kang Abraham: “Unsay imong gihunahuna nga gibuhat mo man kining butanga?”+ 11  Niini si Abraham miingon: “Tungod kay ako miingon sa akong kaugalingon, ‘Sa walay duhaduha ang pagkahadlok sa Diyos wala niining dapita,+ ug patyon gayod nila ako tungod sa akong asawa.’+ 12  Ug, gawas pa, siya sa pagkatinuod akong igsoon, ang anak sa akong amahan, hinuon dili ang anak sa akong inahan; ug siya nahimong akong asawa.+ 13  Ug nahitabo nga, sa dihang ako gipalakaw sa Diyos gikan sa balay sa akong amahan,+ niana ako miingon kaniya, ‘Kini mao ang imong mahigugmaong-kalulot+ nga imong ikapakita kanako: Sa matag dapit diin kita moadto mag-ingon ka bahin kanako: “Siya akong igsoong lalaki.”’”+ 14  Human niana si Abimelek mikuhag mga karnero ug mga baka ug mga sulugoong lalaki ug mga sulugoong babaye ug gihatag sila kang Abraham ug gibalik kaniya si Sara nga iyang asawa.+ 15  Dugang pa si Abimelek miingon: “Ania, ang akong yuta imong mabatonan. Puyo kon asa ang maayo sa imong mga mata.”+ 16  Ug kang Sara siya miingon: “Ania, ihatag ko ang usa ka libong pirasong plata nga salapi sa imong igsoong lalaki.+ Ania, kini alang kanimo maoy usa ka tabon+ sa mga mata sa tanan nga uban kanimo, ug atubangan sa matag usa, ug ikaw gipahigawas sa kaulawan.” 17  Ug si Abraham nangamuyo ngadto sa matuod nga Diyos;+ ug giayo sa Diyos si Abimelek ug ang iyang asawa ug ang iyang mga ulipong babaye, ug sila nagsugod sa pagpatunghag mga anak. 18  Kay gitak-opan pag-ayo ni Jehova ang tanang tagoangkan sa balay ni Abimelek tungod kang Sara nga asawa ni Abraham.+

Mga Footnote