Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Galacia 6:1-18

6  Mga igsoon, bisan pag ang usa ka tawo makahimog sayop nga lakang+ sa dili pa niya himatngonan kini, kamo nga may espirituwal+ nga mga  katakos paningkamoti nga ipasibo pag-usab ang maong tawo diha sa espiritu sa kalumo,+ samtang ang matag usa kaninyo magbantay sa iyang kaugalingon,+ basin unya ug kamo usab matental.+  Magpadayon sa pagpinas-anay sa mga kabug-at+ sa usag usa, ug sa ingon magtuman sa balaod ni Kristo.+  Kay kon ang usa naghunahuna nga siya mahinungdanon samtang siya walay pulos,+ siya naglimbong sa iyang kaugalingong hunahuna.  Apan pasulaya ang matag usa sa iyang kaugalingong binuhatan,+ ug niana siya may hinungdan sa pagsadya labot sa iyang kaugalingon lamang, ug dili sa pagtandi+ sa laing tawo.  Kay ang matag usa magpas-an sa iyang kaugalingong luwan.+  Dugang pa, si bisan kinsa nga natudloan nga binaba+ sa pulong makig-ambit+ sa tanang maayong butang uban sa naghatag sa maong binaba nga pagtulon-an.+  Ayaw pagpahisalaag:+ Ang Diyos dili kayagayagaan.+ Kay bisan unsay ginapugas sa usa ka tawo, kini usab iyang anihon;+  tungod kay siya nga nagapugas alang sa iyang unod moani ug pagkadunot gikan sa iyang unod,+ apan siya nga nagapugas alang sa espiritu+ moani ug kinabuhing walay kataposan gikan sa espiritu.+  Busa dili kita mohunong sa pagbuhat ug maayo,+ kay sa takdang panahon kita moani kon kita dili molunga.+ 10  Nan, sa pagkatinuod, samtang kita may kahigayonan alang niini,+ buhaton nato ang maayo ngadto sa tanan, apan ilabina kanila nga atong kabanay sa pagtuo.+ 11  Tan-awa kon unsa ka dagko sa agi sa mga letra niining akong pagsulat kaninyo pinaagi sa akong kaugalingong kamot.+ 12  Silang tanan nga buot mohimog maanindot nga dagway diha sa unod mao ang nagpugos kaninyo sa pagpatuli,+ aron lamang sila dili lutoson tungod sa estaka sa pagsakit ni Kristo,+ si Jesus. 13  Kay bisan gani kadtong nagpatuli wala man magsunod sa Balaod,+ apan buot nilang kamo magpatuli aron sila may hinungdan sa pagpanghambog diha sa inyong unod. 14  Dili gayod unta mahitabo nga ako manghambog, gawas lamang sa estaka sa pagsakit+ sa atong Ginoong Jesu-Kristo, nga pinaagi kaniya ang kalibotan nalansang nganhi kanako+ ug ako ngadto sa kalibotan. 15  Kay ang pagkatinuli dili mahinungdanon ni ang pagkadili-tinuli,+ kondili ang bag-ong pagkalinalang+ mao ang mahinungdanon. 16  Ug silang tanan nga magalakaw nga mahusay pinaagi niining maong lagda sa panggawi, kanila maanaa ang kalinaw ug kaluoy, diha gayod sa Israel sa Diyos.+ 17  Sukad karon ayaw ako ipasamok ni bisan kinsa, kay ginadala ko sa akong lawas ang mga patik+ sa usa ka ulipon ni Jesus.+ 18  Ang dili-takos nga kalulot sa atong Ginoong Jesu-Kristo magauban sa espiritu+ nga inyong ginapakita, mga igsoon. Amen.

Mga Footnote