Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Filipos 3:1-21

3  Sa kataposan, akong mga igsoon, magpadayon sa pagmaya diha sa Ginoo.+ Ang pagsulat sa samang mga butang alang kaninyo dili makahasol kanako, kondili kini maoy alang sa inyong kaluwasan.  Pagbantay sa mga iro,+ pagbantay sa mga mamumuhat ug kadaot, pagbantay kanilang nagahiwa sa unod.+  Kay kita mao ang may tinuod nga pagkatinuli,+ nga naghatag ug sagradong pag-alagad pinaagi sa espiritu sa Diyos+ ug nanghambog diha kang Kristo Jesus+ ug wala magsalig diha sa unod,+  bisan tuod ako, kon may bisan kinsa man, aduna gayoy pasukaranan sa pagsalig usab diha sa unod. Kon aduna may laing tawo nga naghunahunang siya may pasukaranan sa pagsalig diha sa unod, ako labi pa gayod:+  gituli sa ikawalong adlaw,+ gikan sa banay sa Israel, sa tribo ni Benjamin,+ natawo nga usa ka Hebreohanon gikan sa mga Hebreohanon;+ kon bahin sa balaod, usa ka Pariseo;+  kon bahin sa kasibot, naglutos sa kongregasyon;+ kon bahin sa pagkamatarong nga pinaagi sa balaod, usa nga walay-ikasaway.  Apan ang mga butang nga kaniadto maoy ganansiya alang kanako, kini giisip ko nga kapildihan tungod kang Kristo.+  Ngani, bahin niana, sa pagkatinuod giisip ko usab ang tanang butang nga kapildihan tungod sa pagkalabaw ug bili sa kahibalo ni Kristo Jesus nga akong Ginoo.+ Tungod kaniya nadawat ko ang kapildihan sa tanang butang ug giisip kini nga mga basura,+ aron akong maangkon si Kristo  ug makaplagan nga nahiusa kaniya, nga nagbaton, dili sa akong kaugalingong pagkamatarong, nga pinasukad sa balaod,+ kondili nianang pinaagi sa pagtuo+ kang Kristo, ang pagkamatarong nga nagagikan sa Diyos pinasukad sa pagtuo,+ 10  aron mailhan siya ug ang gahom sa iyang pagkabanhaw+ ug ang panag-ambitay diha sa iyang mga pag-antos,+ nga magatugyan sa akong kaugalingon sa kamatayon nga sama sa iyaha,+ 11  aron makita kon ako sa bisan unsang paagi makabaton sa mas sayo nga pagkabanhaw+ gikan sa mga patay. 12  Dili nga ako nakadawat na niini o nahingpit na,+ kondili ako nagapangagpas+ aron makita kon ako bang mahuptan+ usab kanang alang niana ako gihuptan+ usab ni Kristo Jesus. 13  Mga igsoon, wala ko pa isipa ang akong kaugalingon nga nakahupot na niini; apan may usa ka butang bahin niini: Ginakalimtan ang mga butang sa luyo+ ug nagapangab-ot sa mga butang sa unahan,+ 14  ako nagapangagpas sa tumong+ alang sa ganti+ nga pagkatinawag+ sa Diyos ngadto sa itaas pinaagi ni Kristo Jesus. 15  Busa, kitang tanan nga mga hamtong,+ magbaton niini nga tinamdan sa pangisip;+ ug kon kamo may pangisip nga nakiling nga sukwahi niining bahina, ipadayag sa Diyos nganha kaninyo ang tinamdan nga anaa sa itaas. 16  Bisan pa niana, sa unsa mang sukod nga kita nakahimo na ug pag-uswag, magpadayon kita sa paglakaw nga mahusay+ niining samang rutina. 17  Magkahiusa kamo nga mahimong mga tigsundog+ kanako, mga igsoon, ug ipunting ang inyong mata kanila nga nagalakaw sa paagi nga nahiuyon sa panig-ingnan nga inyong nabatonan dinhi kanamo.+ 18  Kay adunay daghan, ako subsob nga naghisgot kanila kaniadto apan karon ako maghisgot usab kanila uban ang paghilak, nga naglakaw ingong mga kaaway sa estaka sa pagsakit ni Kristo,+ 19  ug ang ilang kataposan maoy kalaglagan,+ ug ang ilang diyos mao ang ilang tiyan,+ ug ang ilang himaya gilangkoban sa ilang kaulawan,+ ug ang ilang kaisipan anaa sa mga butang sa yuta.+ 20  Alang kanato, ang atong pagkalungsoranon+ nagalungtad sa mga langit,+ nga gikan sa maong dapit usab kita maikagong nagahulat+ sa usa ka manluluwas, ang Ginoong Jesu-Kristo,+ 21  kinsa magausab sa atong gipaubos nga lawas+ aron mahiuyon sa iyang mahimayaong lawas+ sumala sa paglihok+ sa gahom nga iyang nabatonan, bisan gani sa pagsakop+ sa tanang butang ilalom kaniya.

Mga Footnote