Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Ezequiel 9:1-11

9  Ug akong nadungog nga siya misinggit uban sa makusog nga tingog, nga nag-ingon: “Paduola ninyo kadtong mga nagbantay sa siyudad, ang matag usa magbitbit sa iyang hinagiban alang sa paglaglag!”  Ug, tan-awa! dihay unom ka tawo nga naggikan sa dapit sa ibabaw+ nga ganghaan nga nag-atubang sa amihanan, ang matag usa nagbitbit sa iyang hinagiban nga pangdugmok; ug dihay usa ka tawo sa ilang taliwala nga nagbesti ug lino,+ nga may tintiro sa sekretaryo sa iyang balat-ang, ug sila misulod ug mibarog tupad sa halaran nga tumbaga.+  Ug kon mahitungod sa himaya sa Diyos sa Israel,+ kini gikuha gikan sa ibabaw sa mga kerubin+ nga nahimutangan niini paingon sa bakanan sa balay,+ ug siya misinggit ngadto sa tawo nga nagbestig lino,+ kansang balat-ang diha ang tintiro sa sekretaryo.  Ug si Jehova miingon kaniya: “Lakaw latas sa taliwala sa siyudad, latas sa taliwala sa Jerusalem, ug ibutang ang usa ka marka sa agtang sa mga tawo nga nagapanghupaw ug nagaagulo+ tungod sa tanang dulumtanang mga butang nga ginahimo sa taliwala niini.”+  Ug ngadto sa uban siya miingon sa akong pandungog: “Latas kamo sa siyudad sunod kaniya ug manigbas kamo. Ayaw tugoting masubo ang inyong mata, ug ayaw kamo kaluoy.+  Ang tigulang nga lalaki, ang batan-ong lalaki ug ang ulay ug ang gamayng bata ug ang mga babaye+ kinahanglang inyong patyon—hangtod nga malaglag. Apan ayaw pagduol kang bisan kinsa nga kaniya anaa ang marka,+ ug kinahanglang magsugod kamo sa akong sangtuwaryo.”+ Busa nagsugod sila sa tigulang nga mga lalaki nga diha sa atubangan sa balay.+  Ug siya sa dugang miingon kanila: “Hugawi ang balay ug pun-a ang sawang sa mga pinatay.+ Panglakaw na kamo!” Ug sila milakaw ug nanigbas diha sa siyudad.  Ug nahitabo nga, samtang sila nanigbas ug ako nahibilin, ako mihapa+ ug misinggit ug miingon: “Intawon,+ Oh Soberanong Ginoong Jehova! Magalaglag ka ba sa tanang nahibilin sa Israel sa pagbubo mo sa imong kaaligutgot nganha sa Jerusalem?”+  Busa siya miingon kanako: “Ang kasaypanan sa balay sa Israel ug sa Juda+ dako gayod kaayo,+ ug ang yuta napuno sa pag-ula ug dugo+ ug ang siyudad napuno sa kahiwian;+ kay sila miingon, ‘Si Jehova mibiya sa yuta,+ ug si Jehova wala makakita.’+ 10  Ug kon bahin kanako usab, ang akong mata dili masubo,+ ni ako maluoy.+ Tinong dad-on ko ang ilang dalan diha sa ilang ulo.”+ 11  Ug, tan-awa! ang tawo nga nagbesti ug lino, nga may tintiro sa iyang balat-ang, nagtaho, nga nag-ingon: “Nakabuhat na ako sumala gayod sa imong gisugo kanako.”+

Mga Footnote