Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Ezequiel 42:1-20

42  Unya iya akong gidala+ ngadto sa gawas nga sawang agi sa dalan dapit sa amihanan.+ Ug iya akong gidala ngadto sa nahimutangan sa mga lawak-kan-anan+ nga diha sa atubangan sa nalain nga luna+ ug diha sa atubangan sa tinukod dapit sa amihanan.  Sa atubangan sa gitas-on nga usa ka gatos ka maniko diha ang ganghaan sa amihanan, ug ang gilapdon kalim-an ka maniko.  Atubangan sa kawhaan ka maniko nga iya sa sulod nga sawang+ ug sa atubangan sa salog+ nga iya sa gawas nga sawang dihay magkaatbang nga alagianan+ nga tulo ka andana.  Ug sa atubangan sa mga lawak-kan-anan dihay pasilyo nga napulo ka maniko ang gilapdon paingon sa sulod,+ usa ka agianan nga usa ka maniko, ug ang ilang mga ganghaan nag-atubang sa amihanan.  Ug kon bahin sa mga lawak-kan-anan, ang mga kinaibabwan mubomubo, kay ang mga alagianan mas dako ang nakuha gikan niini kay sa mga lawak-kan-anan sa kinaubsan ug sa tungatunga, diha sa tinukod.  Kay kini tulo ka andana,+ ug kini walay mga haligi nga sama sa mga haligi sa mga sawang. Mao nga mas dakong luna ang nakuha kay sa gikan niadtong sa kinaubsan ug gikan niadtong sa tungatunga gikan sa salog.  Ug ang paril nga bato nga diha sa gawas maoy duol sa mga lawak-kan-anan dapit sa gawas nga sawang atubangan sa ubang mga lawak-kan-anan. Ang gitas-on niini kalim-an ka maniko.  Kay ang gitas-on sa mga lawak-kan-anan nga diha dapit sa gawas nga sawang maoy kalim-an ka maniko, ug, tan-awa! atubangan sa templo usa ka gatos ka maniko.  Ug gikan sa ubos niini nga mga lawak-kan-anan ang agianan-pasulod maoy dapit sa sidlakan, sa dihang ang usa mosulod niini gikan sa gawas nga sawang. 10  Diha sa gilapdon sa paril nga bato sa sawang dapit sa sidlakan, atubangan sa nalain nga luna+ ug atubangan sa tinukod, dihay mga lawak-kan-anan.+ 11  Ug dihay usa ka dalan atubangan niini nila nga samag dagway sa mga lawak-kan-anan nga nag-atubang sa amihanan,+ sama usab niadto ang ilang gitas-on ug ang ilang gilapdon; ug ang tanan nilang agianan-pagula managsama, ug ang ilang plano managsama ug ang ilang mga pultahan managsama. 12  Ug sama sa mga pultahan sa mga lawak-kan-anan nga nag-atubang sa habagatan ang pultahan didto sa ulohan sa dalan, ang dalan atubangan sa atbang nga paril nga bato dapit sa sidlakan, sa dihang ang usa mosulod niini nila.+ 13  Ug siya miingon kanako: “Ang mga lawak-kan-anan sa amihanan ug ang mga lawak-kan-anan sa habagatan nga anaa sa atubangan sa nalain nga luna,+ kini sila mao ang balaang mga lawak-kan-anan, diin ang mga saserdote nga nagaduol+ kang Jehova magakaon sa labing balaan nga mga butang.+ Didto nila ibutang ang labing balaan nga mga butang ug ang halad-nga-lugas ug ang halad-sa-sala ug ang halad-sa-pagkasad-an, tungod kay ang maong dapit balaan.+ 14  Sa dihang sila, ang mga saserdote, makasulod na, sila dili usab mogula gikan sa balaang dapit ngadto sa gawas nga sawang, apan ilang ibutang didto ang ilang mga besti nga naandan nilang gigamit sa pag-alagad,+ kay kini maoy mga butang nga balaan. Magbesti sila ug laing mga besti,+ ug moduol labot sa kon unsay alang sa katawhan.” 15  Ug iyang nahuman pagsukod ang sulod nga balay, ug iya akong gidala pagawas agi sa ganghaan nga nag-atubang sa sidlakan,+ ug kini iyang gisukod sa tibuok palibot. 16  Iyang gisukod ang sidlakang kiliran pinaagi sa igsusukod nga tangbo. Kadto lima ka gatos ka tangbo, sumala sa igsusukod nga tangbo,+ palibot. 17  Iyang gisukod ang amihanang kiliran, lima ka gatos ka tangbo, sumala sa igsusukod nga tangbo, palibot. 18  Ang habagatang kiliran iyang gisukod, lima ka gatos ka tangbo, sumala sa igsusukod nga tangbo. 19  Siya milibot sa kasadpang kiliran. Siya misukod ug lima ka gatos ka tangbo, sumala sa igsusukod nga tangbo. 20  Iyang gisukod kini sa upat ka kiliran. May bungbong kini sa tibuok palibot,+ nga may gitas-ong lima ka gatos ka tangbo ug gilapdong lima ka gatos ka tangbo,+ aron sa pag-ulang sa balaan ug sa dili balaan.+

Mga Footnote