Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ezequiel 4:1-17

4  “Ug ikaw, Oh anak sa tawo, pagkuha ug usa ka tisa, ug ibutang kini sa imong atubangan ug ikulit mo niini ang usa ka siyudad, ang Jerusalem mismo.+  Ug likosan mo kini+ ug magtukod ka ug usa ka pang-asdang nga paril batok niini+ ug maghimog pang-asdang nga bungdo batok niini+ ug magpahimutang ug mga kampo batok niini ug magbutang ug mga troso nga iglulumpag libot niini.+  Ug kon bahin kanimo, pagkuhag lapad nga puthawng lutoanan, ug ibutang kini ingon nga puthawng paril sa taliwala nimo ug sa siyudad, ug ipatumong mo ang imong nawong batok niini, ug kinahanglan nga kini pagalikosan, ug imong pagalikosan kini. Kini usa ka ilhanan alang sa balay sa Israel.+  “Ug kon bahin kanimo, higda sa imong wala nga kilid, ug ibutang ang kasaypanan sa balay sa Israel diha niana.+ Sumala sa gidaghanon sa mga adlaw nga magahigda ka diha niana ikaw magapas-an sa ilang kasaypanan.  Ug ihatag ko kanimo ang mga tuig sa ilang kasaypanan+ sa gidaghanong tulo ka gatos ug kasiyaman ka adlaw,+ ug ikaw magapas-an sa kasaypanan sa balay sa Israel.  Ug kinahanglan nga imo kining taposon. “Ug kinahanglang magahigda ka sa imong tuo nga kilid sa ikaduhang higayon, ug kap-atan ka adlaw ka nga magapas-an sa kasaypanan sa balay sa Juda.+ Usa ka adlaw alang sa usa ka tuig, usa ka adlaw alang sa usa ka tuig, mao kana ang akong gihatag kanimo.+  Ug ipatumong mo ang imong nawong sa paglikos sa Jerusalem,+ uban sa imong bukton nga walay tabon, ug managna ka batok niini.  “Ug, tan-awa! ako magahigot ug pisi+ diha kanimo aron dili ka moliso gikan sa usa nimo ka kilid ngadto sa pikas nga kilid, hangtod nga matapos nimo ang mga adlaw sa imong paglikos.  “Ug kon bahin kanimo, pagkuhag trigo+ ug sebada ug lagpad nga mga liso+ ug lentihas+ ug dawa ug espelta,+ ug ibutang mo kini sa usa ka sudlanan ug himoa kining tinapay alang kanimo, sumala sa gidaghanon sa mga adlaw nga ikaw magahigda sa imong kilid; tulo ka gatos ug kasiyaman ka adlaw magakaon ka niini.+ 10  Ug ang imong pagkaon nga imong pagakan-on maoy tinimbang unya—kawhaan ka siklo sa usa ka adlaw.+ Sa panapanahon magakaon ka niini. 11  “Ug ang tubig nga imong pagaimnon tinakos, ikaunom nga bahin sa usa ka hin. Sa panapanahon ikaw magainom. 12  “Ug ikaw magakaon niini ingon sa usa ka lingin nga tinapay nga sebada;+ ug kon bahin niini, ibabaw sa nauga nga kinalibang+ sa tawo imo kining lutoon atubangan sa ilang mga mata.” 13  Ug si Jehova miingon: “Sa ingon niini ang mga anak sa Israel magakaon sa ilang tinapay nga mahugaw+ taliwala sa mga nasod nga akong patibulaagan kanila.”+ 14  Ug ako miingon: “Intawon, Oh Soberanong Ginoong Jehova! Tan-awa! Ang akong kalag dili mahugaw;+ ug sukad sa akong pagkabata wala ako makakaon ug bisan unsa nga daan nang patay o gikuniskunis nga hayop,+ bisan hangtod karon, ug sa akong baba wala pay nakasulod nga mahugawng unod.”+ 15  Busa siya miingon kanako: “Tan-awa, ako naghatag kanimo ug kinalibang sa baka inay sa nauga nga kinalibang sa tawo, ug magahimo ka sa imong tinapay sa ibabaw niana.” 16  Ug siya nagpadayon sa pag-ingon kanako: “Anak sa tawo, ania, balion ko ang mga tuhoganan nga niini gituhog ang siningsing nga mga tinapay,+ diha sa Jerusalem, ug sila magakaon ug tinapay nga tinimbang ug uban ang kabalaka,+ ug sila magainom ug tubig nga tinakos ug uban ang kalisang,+ 17  aron sila makulangan sa tinapay ug sa tubig ug sila mahinganghang magtinan-away sa usag usa ug mangaut-ot sa ilang kasaypanan.+

Mga Footnote