Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ezequiel 35:1-15

35  Ug ang pulong ni Jehova nagpadayon sa pagdangat kanako, nga nag-ingon:  “Anak sa tawo, itumong ang imong nawong+ batok sa bukirong rehiyon sa Seir+ ug panagna batok niana.+  Ug isulti niana, ‘Mao kini ang giingon sa Soberanong Ginoong Jehova: “Ania, ako batok kanimo, Oh bukirong rehiyon sa Seir,+ ug ituy-od ko ang akong kamot batok kanimo+ ug himoon ko ikaw nga awaaw, usa gayod ka biniyaan.+  Ang imong mga siyudad himoon kong gun-ob nga dapit, ug ikaw maawaaw sa bug-os;+ ug ikaw makaila gayod nga ako mao si Jehova,+  tungod kay ikaw adunay pagdumot+ nga mohangtod sa panahong walay tino ug imong gipanugyan ang mga anak sa Israel ngadto sa gahom sa espada,+ sa panahon sa ilang katalagman,+ sa panahon sa ilang kataposang kasaypanan.”’+  “‘Busa ingon nga ako buhi,’ mao ang giingon sa Soberanong Ginoong Jehova, ‘tungod kay alang man sa dugo nga ako nag-andam kanimo, dugo usab ang magagukod kanimo.+ Sa pagkatinuod dugo ang imong gidumtan, ug dugo ang magagukod kanimo.+  Ug himoon ko nga awaaw ang bukirong rehiyon sa Seir, usa gayod ka biniyaan,+ ug putlon ko gikan niini ang nagaagi ug ang nagabalik.+  Ug pun-on ko ang iyang kabukiran sa mga pinatay kaniya; kon bahin sa imong kabungtoran ug sa imong mga walog ug sa tanan nimong kasapaan, ang mga pinatay sa espada mangapukan diha niana.+  Himoon ko ikaw nga awaaw hangtod sa panahong walay tino, ug ang imong mga siyudad dili pagapuy-an;+ ug kamo makaila gayod nga ako mao si Jehova.’+ 10  “Tungod sa imong pag-ingon, ‘Kining duha ka nasod ug kining duha ka yuta—sila maakoa, ug kami manag-iya gayod sa matag usa niini nga yuta,’+ bisan pag si Jehova dinha niana,+ 11  ‘busa ingon nga ako buhi,’ mao ang giingon sa Soberanong Ginoong Jehova, ‘ako molihok usab sumala sa imong kasuko ug sumala sa imong pangabugho nga imong gipakita tungod sa imong pagdumot kanila;+ ug ipaila ko ang akong kaugalingon taliwala kanila sa dihang ako maghukom kanimo.+ 12  Ug ikaw mahibalo gayod nga ako, si Jehova, nakadungog sa tanang pagtamay nga imong gisulti mahitungod sa kabukiran sa Israel,+ nga nag-ingon: “Sila nahimong biniyaan. Sila gihatag ingong pagkaon kanato.”+ 13  Ug kamo nagmapahitas-on batok kanako pinaagi sa inyong mga baba,+ ug inyong gipadaghan ang inyong mga pulong batok kanako.+ Ako nakadungog niana.’+ 14  “Mao kini ang giingon sa Soberanong Ginoong Jehova, ‘Samtang magmaya ang tibuok yuta, himoon ko ikaw nga awaaw. 15  Ingon sa imong pagmaya mahitungod sa panulondon sa balay sa Israel kay kini nahimong biniyaan, ang samang butang himoon ko kanimo.+ Ikaw mahimong awaaw, Oh bukirong rehiyon sa Seir, mismo ang tibuok Edom, ang kinatibuk-an niini;+ ug sila makaila gayod nga ako mao si Jehova.’”+

Mga Footnote