Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ezequiel 27:1-36

27  Ug ang pulong ni Jehova nagpadayon sa pagdangat kanako, nga nag-ingon:  “Ug kon bahin kanimo, Oh anak sa tawo, pagpatugbaw ug awit sa pagbangotan mahitungod sa Tiro,+  ug ingna ang Tiro, “‘Oh ikaw nga nagpuyo sa mga ganghaan sa dagat,+ ang babayeng magpapatigayon sa mga katawhan alang sa daghang kapuloan,+ mao kini ang giingon sa Soberanong Ginoong Jehova: “Oh Tiro, ikaw nag-ingon, ‘Hingpit ako sa kaanyag.’+  Ang imong mga teritoryo anaa sa kinapusoran sa kadagatan.+ Ang imong mga magtutukod naghingpit sa imong kaanyag.+  Ilang gihimo ang tanang tabla alang kanimo gikan sa mga kahoyng junipero sa Senir.+ Sila nagkuhag sedro gikan sa Lebanon+ aron himoong palo sa ibabaw nimo.  Gikan sa nagbuntaog nga mga kahoy sa Basan ilang gibuhat ang imong mga bugsay. Ang imong dulong gihimo nila sa kahoyng sipres nga hinal-opan ug garing, gikan sa mga pulo sa Kitim.+  Ang imong binuklad nga panapton maoy lino sa nagkadaiyang bulok gikan sa Ehipto,+ aron kini mahimong imong layag. Asul nga hilo+ ug balhibo sa karnero nga tininag morado+ nga gikan sa mga pulo sa Elisa+ mao ang imong tolda.  “‘“Ang mga molupyo sa Sidon+ ug sa Arvad+ nahimong imong mga tigbugsay. Ang imong hanas nga mga tawo,+ Oh Tiro, diha kanimo; sila imong mga tripulante.+  Bisan ang mga tigulang sa Gebal+ ug ang iyang hanas nga mga tawo diha kanimo ingong mga magbubulit sa mga dinugtongan sa imong mga barko.+ Ang tanang barko sa dagat ug ang ilang mga marinero diha kanimo, aron makigbaylo ug mga tinda. 10  Ang mga Persianhon+ ug ang Ludim+ ug ang mga lalaki sa Put+—sila diha sa imong kasundalohan, ang imong mga manggugubat. Ang taming ug ang helmet ilang gitaod kanimo.+ Sila ang nakaingon sa imong kahalangdon. 11  Ang mga anak sa Arvad,+ ang imong kasundalohan, diha sa ibabaw sa imong mga paril nga naglibot, ug mga lalaking maisog ang diha sa imong mga torre. Ang ilang lingin nga mga taming ilang gisab-it sa imong mga paril nga naglibot.+ Ilang gihingpit ang imong kaanyag. 12  “‘“Ang Tarsis+ maoy imong magpapatigayon tungod sa kadagaya sa tanang matang sa bililhong mga butang.+ Ang imong mga tinipigang manggad gibaylo sa iyang plata, puthaw, lata ug tingga.+ 13  Ang Javan,+ Tubal+ ug Mesek+ maoy imong mga magpapatigayon. Ang imong mga paninda gibaylo sa mga kalag sa katawhan+ ug sa mga butang nga hinimo sa tumbaga. 14  Gikan sa balay sa Togarma+ may mga kabayo ug mga kabayong iggugubat ug mga mula, nga gibayloan sa imong mga tinipigang manggad. 15  Ang mga anak sa Dedan+ maoy imong mga magpapatigayon; ang daghang kapuloan maoy imong magpapatigayon; mga sungay nga garing+ ug ebano ilang gibayad ingong gasa kanimo. 16  Ang Edom maoy imong magpapatigayon tungod sa kadagaya sa imong mga trabaho. Alang sa turquesa,+ balhibo sa karnero nga tininag morado ug panapton sa nagkadaiyang bulok ug pinong panapton ug mga korales ug mga rubi, ang imong mga tinipigang manggad gibaylo. 17  “‘“Ang Juda ug ang yuta sa Israel maoy imong mga magpapatigayon. Alang sa trigo+ sa Minit+ ug espesyal nga kalan-on ug dugos+ ug lana ug balsamo,+ gihatag ang imong mga paninda.+ 18  “‘“Ang Damasco+ maoy imong magpapatigayon alang sa kadaghan sa imong mga binuhat, tungod sa kadaghan sa tanan nimong bililhong mga butang, uban ang bino+ sa Helbon ug ang pulahong abohon nga balhibo sa karnero. 19  Ang Vedan ug Javan gikan sa Uzal—sila nakigbaylo sa imong mga tinipigang manggad. Puthaw nga sinalsal, casia ug caña+—kini sila gibaylo sa imong mga paninda. 20  Ang Dedan+ maoy imong magpapatigayon sa hinabol nga mga besti alang sa pagsakay. 21  Ang mga Arabo+ ug ang tanang pangulo sa Kedar+ maoy imong mga magpapatigayon. Sa mga laki nga nating karnero ug mga laking karnero ug mga laking kanding+—niini sila imong mga magpapatigayon. 22  Ang mga magpapatigayon sa Sheba+ ug Raama+ maoy imong mga magpapatigayon; alang sa labing maayo sa tanang matang sa mga pahumot ug alang sa tanang matang sa bililhong mga bato ug bulawan, gibaylo ang imong mga tinipigang manggad.+ 23  Ang Haran+ ug ang Cane ug ang Eden,+ ang mga magpapatigayon sa Sheba,+ ang Asur+ ug ang Kilmad maoy imong mga magpapatigayon. 24  Sila maoy imong mga magpapatigayon sa maanindot nga mga besti, sa mga kupo sa asul nga panapton ug panapton nga nagkadaiyag bulok ug sa mga alpombrang ginama sa duhag-bulok nga materyales, sa mga pisi nga linubid ug lig-ong pagkahimo, sa dapit nga ikaw nagapatigayon. 25  “‘“Ang mga barko sa Tarsis+ maoy imong mga nagapanaw nga panon sa sakayan alang sa imong mga paninda, aron ikaw mapuno ug mahimong mahimayaon kaayo diha sa kinapusoran sa kadagatan.+ 26  “‘“Ngadto sa dakong katubigan gidala ka niadtong mga nagbugsay kanimo.+ Ang hangin nga timog nagbungkag kanimo sa kinapusoran sa kadagatan.+ 27  Ang imong bililhong mga butang ug ang imong mga tinipigang manggad,+ ang imong mga paninda,+ ang imong mga marinero ug ang imong mga tripulante,+ ang mga magbubulit sa mga dinugtongan sa imong mga barko+ ug kadtong mga nagbaylo sa imong mga tinda ug ang tanan nimong mga manggugubat,+ nga anaa kanimo ug sa tibuok nimong panon, nga anaa sa imong taliwala,—sila mangapukan sa kinapusoran sa kadagatan sa adlaw sa imong pagkapukan.+ 28  “‘“Sa tingog sa pagtuaw sa imong mga tripulante ang kapatagan mauyog.+ 29  Ug ang tanang magbubugsay, ang mga marinero, ang tanang tripulante sa dagat, manganaog gayod sa ilang mga barko; sila manindog sa yuta.+ 30  Ug tungod kanimo ilang ipadungog ang ilang tingog ug maninggit sa kapait.+ Ug sila magbutang ug abog sa ilang mga ulo.+ Sila moligid sa abo.+ 31  Ug sila magpaupaw tungod kanimo,+ ug magsul-ob ug sakong panapton+ ug ikaw ilang hilakan tungod sa kapait sa kalag,+ uban sa mapait nga pagminatay. 32  Ug alang kanimo sila sa ilang pagminatay magpatugbaw gayod ug awit sa pagbangotan ug moawit tungod kanimo,+ “‘“Kinsay sama sa Tiro,+ sama kaniya nga gipahilom sa taliwala sa dagat?+ 33  Sa dihang ang imong mga tinipigang manggad+ migula sa kadagatan,+ imong natagbaw ang daghang katawhan.+ Pinaagi sa kadagaya sa imong bililhong mga butang ug sa imong mga paninda imong gipadato ang mga hari sa yuta.+ 34  Karon ikaw nabungkag sa kadagatan, sa kahiladman sa mga tubig.+ Kon bahin sa imong mga paninda ug sa tibuok nimong panon,+ sila nangapukan sa imong taliwala. 35  Ang tanang molupyo sa mga pulo+—sila motutok kanimo sa kahibulong, ug ang ilang mga hari mangurog sa kalisang.+ Ang mga nawong mabalisa gayod.+ 36  Kon bahin sa mga magpapatigayon taliwala sa mga katawhan, ikaw ila gayong pagataghoyan.+ Ikaw mahimo gayong kalit nga kalisangan, ug ikaw mahanaw hangtod sa panahong walay tino.’”’”+

Mga Footnote