Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Ezequiel 25:1-17

25  Ug ang pulong ni Jehova nagpadayon sa pagdangat kanako, nga nag-ingon:  “Anak sa tawo, itumong ang imong nawong sa mga anak ni Ammon ug panagna batok kanila.+  Ug ikaw magaingon labot sa mga anak ni Ammon, ‘Paminaw sa pulong sa Soberanong Ginoong Jehova. Mao kini ang giingon sa Soberanong Ginoong Jehova: “Tungod kay ikaw miingon nga Aha! batok sa akong sangtuwaryo, kay kini gipasipalahan, ug batok sa yuta sa Israel, kay kini gihimong biniyaan, ug batok sa balay sa Juda, kay sila nadestiyero,+  busa ania, ako magatugyan kanimo sa mga taga-Sidlakan ingon nga butang nga panag-iyahon,+ ug sila magapatindog sa ilang pinarilang mga kampo diha kanimo ug magabutang sa ilang mga tabernakulo diha kanimo. Ilang kan-on ang imong mga bunga, ug ilang imnon ang imong gatas.+  Ug himoon ko ang Raba+ nga sibsibanan sa mga kamelyo ug ang mga anak ni Ammon nga dapit-pahulayan sa panon sa mga karnero;+ ug kamo makaila gayod nga ako mao si Jehova.”’”+  “Kay mao kini ang giingon sa Soberanong Ginoong Jehova, ‘Tungod kay ikaw mipakpak sa imong mga kamot+ ug mibundak sa imong mga tiil ug ikaw nagmaya uban ang tanang pagyubit diha sa imong kalag batok sa yuta sa Israel,+  busa ania ako; gituy-od ko ang akong kamot batok kanimo,+ ug itugyan ko ikaw ingon nga agawonon ngadto sa mga nasod; ug putlon ko ikaw gikan sa mga katawhan ug laglagon ka gikan sa kayutaan.+ Puohon ko ikaw,+ ug ikaw makaila gayod nga ako mao si Jehova.’  “Mao kini ang giingon sa Soberanong Ginoong Jehova, ‘Tungod kay ang Moab+ ug Seir+ miingon: “Tan-awa! Ang balay sa Juda nahisama sa tanang ubang kanasoran,”+  busa ania, akong buksan ang bakilid sa Moab diha sa mga siyudad, diha sa iyang mga siyudad dapit sa iyang utlanan, ang dayandayan sa yuta, ang Bet-jesimot,+ ang Baal-meon,+ bisan hangtod sa Kiriataim,+ 10  ngadto sa mga taga-Sidlakan,+ uban sa mga anak ni Ammon;+ ug himoon ko kini nga butang nga panag-iyahon, aron dili na kini hinumdoman,+ nga mao, ang mga anak ni Ammon, taliwala sa mga nasod. 11  Ug sa Moab ipahamtang ko ang mga paghukom;+ ug sila makaila gayod nga ako mao si Jehova.’+ 12  “Mao kini ang giingon sa Soberanong Ginoong Jehova, ‘Tungod kay ang Edom milihok sa pagpanimalos sa balay sa Juda ug sila nagpadayon sa pagbuhat ug daotan sa hilabihan gayod ug nanimalos kanila,+ 13  busa mao kini ang giingon sa Soberanong Ginoong Jehova: “Ituy-od ko usab ang akong kamot batok sa Edom+ ug laglagon ang tawo ug binuhing hayop gikan niini,+ ug himoon ko kini nga gun-ob nga dapit gikan sa Teman,+ hangtod gayod sa Dedan.+ Mangapukan sila pinaagi sa espada. 14  ‘Ug akong ipahamtang ang akong panimalos sa Edom pinaagi sa kamot sa akong katawhan nga Israel;+ ug ilang buhaton sa Edom sumala sa akong kasuko ug sumala sa akong kaaligutgot; ug sila makaila gayod kon unsa ang akong panimalos,’+ mao ang giingon sa Soberanong Ginoong Jehova.”’ 15  “Mao kini ang giingon sa Soberanong Ginoong Jehova, ‘Tungod kay ang mga Filistehanon milihok sa pagpanimalos+ ug sila nagpadayon sa pagpanimalos uban ang pagyubit sa kalag, aron ipahinabo ang pagkagun-ob,+ uban ang usa ka panag-away nga mohangtod sa panahong walay tino,+ 16  busa mao kini ang giingon sa Soberanong Ginoong Jehova: “Ania, ituy-od ko ang akong kamot batok sa mga Filistehanon,+ ug laglagon ko ang mga Keretnon+ ug laglagon ko ang nahibilin sa kabaybayonan.+ 17  Ug ipahamtang ko diha kanila ang dagkong mga buhat sa panimalos, uban sa mapintasong mga pagbadlong;+ ug sila makaila gayod nga ako mao si Jehova sa dihang akong ipadangat ang akong panimalos diha kanila.”’”+

Mga Footnote