Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Ezequiel 10:1-22

10  Ug ako nagpadayon sa pagtan-aw, ug, tan-awa! ibabaw sa hawan+ nga diha sa ibabaw sa ulo sa mga kerubin dihay samag bato nga sapiro,+ sama sa dagway sa usa ka trono,+ nga mipatim-aw ibabaw kanila.  Ug siya misulti ngadto sa tawo nga nagbestig lino,+ nga nag-ingon: “Sulod sa taliwala sa mga ligid,+ sa ilalom sa mga kerubin, ug pun-a ang imong duha ka kamot sa mga baga+ sa kalayo gikan sa taliwala sa mga kerubin ug iitsa kini ibabaw sa siyudad.”+ Busa siya misulod atubangan sa akong mga mata.  Ug ang mga kerubin nagbarog sa tuong kiliran sa balay sa dihang ang tawo misulod, ug ang panganod mipuno sa sulod nga sawang.+  Ug ang himaya ni Jehova+ mikayab gikan sa mga kerubin paingon sa bakanan sa balay, ug ang balay inanay nga napuno sa panganod,+ ug ang sawang napuno sa kahayag sa himaya ni Jehova.  Ug ang kinapakapa sa mga pako sa mga kerubin+ nadungog hangtod sa gawas nga sawang, sama sa tingog sa Diyos nga Labing Gamhanan sa dihang siya mosulti.+  Ug nahitabo, sa dihang iyang gisugo ang tawo nga nagbestig lino, nga nag-ingon: “Pagkuhag kalayo gikan sa taliwala sa mga ligid, gikan sa taliwala sa mga kerubin,” nga siya misulod ug mibarog tupad sa ligid.  Unya gituy-od sa kerubin ang iyang kamot gikan sa taliwala sa mga kerubin ngadto sa kalayo+ nga diha sa taliwala sa mga kerubin+ ug gidala ug gibutang kini sa mga palad sa mga kamot sa nagbestig lino,+ kinsa mikuha niini ug migawas.  Ug sa mga kerubin dihay nakitang ingon sa kamot sa yutan-ong tawo ilalom sa ilang mga pako.+  Ug ako nagpadayon sa pagtan-aw, ug, tan-awa! dihay upat ka ligid tupad sa mga kerubin, usa ka ligid tupad sa usa ka kerubin ug usa ka ligid tupad sa laing kerubin,+ ug ang dagway sa mga ligid maoy ingon sa gilak sa batong krisolito. 10  Ug kon bahin sa ilang dagway, silang upat usa rag dagway, ingon gayod sa dihang ang usa ka ligid anaa sa sulod sa usa ka ligid.+ 11  Sa diha nga sila mipanaw, sila mipanaw sa upat nila ka direksiyon. Wala nila usba ang ilang direksiyon sa dihang mipanaw sila, kay diin gani moatubang ang ulo, sila mosunod niini. Wala nila usba ang ilang direksiyon sa dihang mipanaw sila.+ 12  Ug ang tibuok nilang lawas ug ang ilang mga bukobuko ug ang ilang mga kamot ug ang ilang mga pako ug ang mga ligid nalukop sa mga mata.+ Silang upat adunay ilang mga ligid. 13  Kon mahitungod sa mga ligid, ngadto kanila akong nadungog nga gisinggit, “Oh mga ligid!” 14  Ug ang matag usa may upat ka nawong.+ Ang unang nawong maoy nawong sa kerubin, ug ang ikaduhang nawong maoy nawong sa yutan-ong tawo,+ ug ang ikatulo maoy nawong sa leyon, ug ang ikaupat maoy nawong sa agila.+ 15  Ug ang mga kerubin mikayab+—mao kini ang samang buhing linalang nga akong nakita didto sa suba sa Kebar+ 16  ug sa diha nga ang mga kerubin mipanaw, ang mga ligid mipanaw tupad kanila;+ ug sa diha nga ang mga kerubin mipataas sa ilang mga pako aron mokayab sa ibabaw sa yuta, ang mga ligid wala mag-usab ug direksiyon, sila mismo, gikan sa ilang tupad.+ 17  Sa diha nga sila mihunong, kini sila mihunong usab; sa diha nga sila mikayab,+ kini sila mikayab uban nila, kay ang espiritu sa buhing linalang diha man kanila.+ 18  Ug ang himaya+ ni Jehova mibiya gikan sa ibabaw sa bakanan sa balay ug mipahiluna sa ibabaw sa mga kerubin.+ 19  Ug karon ang mga kerubin mipataas sa ilang mga pako ug mikayab gikan sa yuta+ atubangan sa akong mga mata. Sa diha nga sila mipanaw, ang mga ligid diha usab sa tupad nila; ug sila mitindog sa sidlakan nga agianan sa ganghaan sa balay ni Jehova, ug ang himaya sa Diyos sa Israel diha sa ibabaw nila, gikan sa itaas. 20  Mao kini ang buhing linalang+ nga akong nakita ilalom sa Diyos sa Israel didto sa suba sa Kebar,+ mao nga akong nahibaloan nga kini sila mga kerubin. 21  Kon bahin sa upat, ang matag usa may upat ka nawong+ ug ang matag usa may upat ka pako, ug ilalom sa ilang mga pako dihay ingon sa mga kamot sa yutan-ong tawo. 22  Ug kon bahin sa dagway sa ilang mga nawong, kini mao ang mga nawong kansang dagway akong nakita didto sa daplin sa suba sa Kebar, kini sila mismo.+ Ang matag usa kanila mipanaw sa matul-id ngadto sa unahan.+

Mga Footnote