Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Exodo 31:1-18

31  Ug si Jehova nagpadayon sa pagsulti kang Moises, nga nag-ingon:  “Tan-awa, ginatawag ko pinaagi sa ngalan si Bezalel+ nga anak nga lalaki ni Uri nga anak nga lalaki ni Hur sa tribo ni Juda.+  Ug pun-on ko siya sa espiritu sa Diyos sa kaalam ug sa pagsabot ug sa kahibalo ug sa tanang matang sa kahanas sa pagbuhat,+  alang sa pagdisenyog mga galamiton, alang sa pagpamuhat ginamit ang bulawan ug plata ug tumbaga,+  ug sa pagpamuhat diha sa mga bato aron ipahimutang kini+ ug sa pagpamuhat diha sa kahoy aron sa paghimo sa tanang matang sa kagamitan.+  Bahin kanako, tan-awa! ibutang ko uban kaniya si Oholiab nga anak nga lalaki ni Ahisamak sa tribo ni Dan,+ ug sa kasingkasing sa matag usa nga maalamon sa kasingkasing ako magbutang ug kaalam, aron mahimo gayod nila ang tanan nga akong gisugo kanimo:+  ang tolda nga tagboanan+ ug ang Arka+ alang sa pagpamatuod ug ang tabon sa ibabaw+ niana, ug ang tanang galamiton sa tolda,  ug ang lamesa ug ang galamiton+ niini, ug ang tangkawan nga lunsayng bulawan ug ang tanang galamiton+ niini, ug ang halaran sa insenso,+  ug ang halaran sa halad-nga-sinunog ug ang tanang galamiton+ niini, ug ang dulang ug ang tungtonganan+ niini, 10  ug ang mga besti nga ginansilyo ug ang balaang mga besti alang kang Aaron nga saserdote ug ang mga besti sa iyang mga anak nga lalaki aron sa pag-alagad ingong mga saserdote;+ 11  ug ang igdidihog nga lana ug ang pinahumotan nga insenso alang sa sangtuwaryo.+ Sumala sa tanan nga gisugo ko kanimo ilang pagahimoon.” 12  Ug si Jehova miingon ug dugang kang Moises: 13  “Kon bahin kanimo, sultihi ang mga anak sa Israel, nga mag-ingon, ‘Tumanon ninyo ilabina ang akong mga igpapahulay,+ kay kini usa ka ilhanan tali kanako ug kaninyo sulod sa inyong mga kaliwatan aron kamo makaila nga ako si Jehova nagabalaan kaninyo.+ 14  Ug tumanon gayod ninyo ang igpapahulay, kay kini balaan alang kaninyo.+ Ang magapasipala niini pagapatyon gayod.+ Kon si bisan kinsa magabuhat ug buluhaton nianang adlawa, nan kanang kalaga pagaputlon gikan sa taliwala sa iyang katawhan.+ 15  Unom ka adlaw nga makabuhat ug buluhaton, apan sa ikapito ka adlaw maoy igpapahulay sa bug-os nga pagpahulay.+ Butang kini nga balaan kang Jehova. Bisan kinsa nga magabuhat ug buluhaton sa adlaw nga igpapahulay pagapatyon gayod. 16  Ug ang mga anak sa Israel kinahanglang magbantay sa igpapahulay, aron sa pagtuman sa igpapahulay sulod sa ilang mga kaliwatan. Usa kini ka pakigsaad hangtod sa panahong walay tino.+ 17  Tali kanako ug sa mga anak sa Israel kini usa ka ilhanan hangtod sa panahong walay tino,+ tungod kay sa unom ka adlaw gibuhat ni Jehova ang kalangitan ug ang yuta ug sa ikapitong adlaw siya mipahulay ug nagpahayahay sa iyang kaugalingon.’”+ 18  Karon sa dihang siya nakahuman na sa pagpakigsulti kaniya didto sa Bukid sa Sinai siya mihatag kang Moises ug duha ka papan sa Pagpamatuod,+ mga papan nga bato nga sinulatan sa tudlo sa Diyos.+

Mga Footnote