Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Exodo 24:1-18

24  Ug kang Moises siya miingon: “Tungas ngadto kang Jehova, ikaw ug si Aaron, si Nadab ug si Abihu+ ug kapitoan+ sa mga ansiyano sa Israel, ug yukbo kamo sa layo.  Ug mag-inusara si Moises nga moduol kang Jehova; apan sila kinahanglang dili moduol, ug ang katawhan kinahanglang dili motungas uban kaniya.”+  Unya si Moises miabot ug miasoy sa katawhan sa tanang pulong ni Jehova ug sa tanang hudisyal nga hukom,+ ug ang tibuok nga katawhan mitubag sa usa ka tingog ug miingon: “Ang tanang pulong nga gisulti ni Jehova kami andam sa pagbuhat.”+  Busa gisulat ni Moises ang tanang pulong ni Jehova.+ Unya siya mibangon sayo sa buntag ug nagtukod didto sa tiilan sa bukid ug usa ka halaran ug napulog-duha ka haligi katugbang sa napulog-duha ka tribo sa Israel.+  Human niana siya nagsugo ug mga batan-ong lalaki sa mga anak sa Israel ug sila nagtanyag ug mga halad-nga-sinunog ug naghalad ug mga torong baka ingong mga halad, ingong mga halad-sa-panag-ambit+ alang kang Jehova.  Unya gikuha ni Moises ang katunga sa dugo ug gibutang kini sa mga panaksan,+ ug ang katunga sa dugo iyang giwisik sa halaran.+  Sa kataposan iyang gikuha ang basahon sa pakigsaad+ ug gibasa kini sa igdulungog sa katawhan.+ Unya sila miingon: “Kami andam nga mobuhat ug magmasinugtanon sa tanang gisulti ni Jehova.”+  Busa gikuha ni Moises ang dugo ug giwisik kini ngadto sa katawhan+ ug miingon: “Ania ang dugo sa pakigsaad+ nga gihimo ni Jehova uban kaninyo labot niining tanang pulong.”  Ug mitungas si Moises ug si Aaron, si Nadab ug si Abihu ug ang kapitoan sa mga ansiyano sa Israel, 10  ug ilang nakita ang Diyos sa Israel.+ Ug ilalom sa iyang mga tiil didtoy samag baldosa nga gama sa mga sapiro ug sama sa kalangitan sa kalunsay.+ 11  Ug wala niya ituy-od ang iyang kamot batok sa inilang mga tawo sa mga anak sa Israel,+ apan sila nakadawat ug usa ka panan-awon sa matuod nga Diyos+ ug nangaon ug nanginom.+ 12  Si Jehova karon miingon kang Moises: “Tungas ngari kanako sa bukid ug pabilin didto, sanglit buot ko nga ihatag kanimo ang mga papan nga bato ug ang balaod ug ang sugo nga akong igasulat aron tudloan sila.”+ 13  Busa si Moises ug si Josue nga iyang alagad nanindog ug si Moises mitungas ngadto sa bukid sa matuod nga Diyos.+ 14  Apan ang mga ansiyano iyang giingnan: “Hulaton ninyo kami dinhi hangtod nga makabalik kami kaninyo.+ Ug, tan-awa! si Aaron ug si Hur+ anaa uban kaninyo. Si bisan kinsang may buroka, paduola siya kanila.”+ 15  Busa si Moises mitungas sa bukid samtang ang panganod mitabon sa bukid.+ 16  Ug ang himaya ni Jehova+ nagpabilin sa Bukid sa Sinai,+ ug ang panganod mitabon niini sulod sa unom ka adlaw. Sa kataposan, sa ikapitong adlaw siya mitawag kang Moises gikan sa taliwala sa panganod.+ 17  Ug sa mga mata sa mga anak sa Israel ang talan-awon sa himaya ni Jehova maoy sama sa nagalamoy nga kalayo+ didto sa tumoy sa bukid. 18  Unya misulod si Moises sa taliwala sa panganod ug mipadayon sa pagtungas sa bukid.+ Ug si Moises nagpabilin didto sa bukid kap-atan ka adlaw ug kap-atan ka gabii.+

Mga Footnote