Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Exodo 11:1-10

11  Ug si Jehova miingon kang Moises: “Usa na lang ka hampak ang akong ipadangat kang Paraon ug sa Ehipto. Human niana siya magpalakaw kaninyo gikan dinhi.+ Nianang higayona siya magpalakaw kaninyo sa bug-os, siya mag-abog gayod kaninyo gikan dinhi.+  Sulti, karon, sa mga igdulungog sa katawhan, nga sila mangayo gayod ang matag lalaki sa iyang kauban ug ang matag babaye sa iyang kauban ug mga butang nga plata ug mga butang nga bulawan.”+  Sa ingon gihatagan ni Jehova ang katawhan ug pabor sa mga mata sa mga Ehiptohanon.+ Ang tawong si Moises usab dako kaayo diha sa yuta sa Ehipto, sa mga mata sa mga alagad ni Paraon ug sa mga mata sa katawhan.+  Ug si Moises miingon: “Kini ang giingon ni Jehova, ‘Sa mga tungang gabii ako mogula ngadto sa taliwala sa Ehipto,+  ug ang matag panganay+ sa yuta sa Ehipto mamatay gayod, gikan sa panganay ni Paraon nga naglingkod sa iyang trono hangtod sa panganay sa sulugoong babaye nga anaa sa galingan nga demano ug sa matag panganay sa mananap.+  Ug mahitabo unya ang dakong pagtiyabaw sa tibuok yuta sa Ehipto, nga ang ingon wala pa sukad mahitabo, ug ang ingon dili na mahitabo pag-usab.+  Apan batok kang bisan kinsa sa mga anak sa Israel walay iro nga mainitong magpalabtik sa dila niini, gikan sa tawo ngadto sa mananap;+ aron kamo mahibalo nga si Jehova makahimog kalainan tali sa mga Ehiptohanon ug sa mga anak sa Israel.’+  Ug kining tanan nimong mga alagad moari kanako ug manghapa sa akong atubangan,+ nga mag-ingon, ‘Lakaw, ikaw ug ang tanang katawhan nga nagasunod sa imong mga lakang.’ Ug human niana ako mogula.” Niana siya mipahawa gikan kang Paraon nga nanginit sa kasuko.  Unya si Jehova miingon kang Moises: “Si Paraon dili mamati kaninyo,+ aron ang akong mga milagro modaghan sa yuta sa Ehipto.”+ 10  Ug gibuhat ni Moises ug ni Aaron kining tanang milagro atubangan ni Paraon;+ apan si Jehova nagtugot nga mogahi ang kasingkasing ni Paraon, mao nga wala niya palakta ang mga anak sa Israel gikan sa iyang yuta.+

Mga Footnote