Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ester 7:1-10

7  Unya ang hari ug si Haman+ miadto aron makigbangkete uban kang Ester nga rayna.  Unya ang hari miingon na usab kang Ester sa ikaduhang adlaw sa panahon sa bangkete sa bino:+ “Unsa ang imong pangayoon,+ Oh Ester nga rayna? Kini ihatag gayod kanimo.+ Ug unsa ang imong ihangyo? Hangtod sa katunga sa gingharian+—bisan gani kini pagabuhaton!”  Niini si Ester nga rayna mitubag ug miingon: “Kon ako nakakaplag ug pabor sa imong mga mata, Oh hari, ug kon daw maayo alang sa hari, ihatag unta kanako ang akong kalag+ sumala sa akong gipangayo ug ang akong katawhan+ sumala sa akong gihangyo.  Kay kami gibaligya,+ ako ug ang akong katawhan, aron puohon, patyon ug laglagon.+ Karon kon kami gibaligya pa ingong mga ulipon lamang nga lalaki+ ug ingong mga sulugoon lamang nga babaye, ako magpakahilom na lamang unta. Apan ang maong kasakit dili angay kon may kadaot nganha sa hari.”  Unya si Haring Ahasuero miingon, oo, siya miingon ngadto kang Ester nga rayna: “Kinsa kini,+ ug hain gayod kining usa nga nangahas+ sa pagbuhat niana?”  Unya si Ester miingon: “Ang tawo, ang kontra+ ug ang kaaway,+ mao kining daotan nga Haman.” Kon bahin kang Haman, siya nalisang+ tungod sa hari ug sa rayna.  Kon bahin sa hari, sa iyang kaaligutgot+ siya mitindog gikan sa bangkete sa bino aron moadto sa tanaman sa palasyo; ug si Haman mitindog aron mohangyo alang sa iyang kalag kang Ester nga rayna,+ kay iyang nakita nga daotan ang gikahukom+ sa hari batok kaniya.+  Ug ang hari mibalik gikan sa tanaman sa palasyo ngadto sa balay sa bangkete sa bino;+ ug si Haman miubo diha sa lingkoranan+ nga gilingkoran ni Ester. Busa ang hari miingon: “Lugoson ba usab diay ang rayna, nga ako ania sa balay?” Ang pulong migula sa baba sa hari,+ ug ilang gitabonan ang nawong ni Haman.  Karon si Harbona,+ usa sa mga opisyal sa palasyo+ atubangan sa hari, miingon: “Anaay estaka+ nga gihimo usab ni Haman alang kang Mardokeo, nga nagsulti sa maayo mahitungod sa hari,+ nga nagbarog diha sa balay ni Haman—kalim-an ka maniko ang gihabogon.” Niana ang hari miingon: “Bitaya ninyo siya diha niana.”+ 10  Ug ilang gibitay si Haman sa estaka+ nga iyang giandam alang kang Mardokeo;+ ug mikalma ang kaaligutgot sa hari.

Mga Footnote