Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ester 6:1-14

6  Niadtong gabhiona wala makatulog ang hari.+ Busa siya nagsugo nga ipadala ang basahon sa mga rekord+ sa mga panghitabo sa mga panahon. Mao nga kini gibasa atubangan sa hari.  Unya didto nakaplagan nga nahisulat ang gitaho ni Mardokeo+ mahitungod kang Bigtana ug kang Teres, duha ka opisyal+ sa hari, mga magbalantay sa pultahan, nga nagtinguhang mobakyaw sa ilang kamot batok kang Haring Ahasuero.  Unya ang hari miingon: “Unsa mang pasidungog ug dakong butang ang nahimo ngadto kang Mardokeo tungod niini?” Niini ang mga tig-alagad sa hari, ang iyang mga alagad, miingon: “Walay nahimo alang kaniya.”+  Sa ulahi ang hari miingon: “Kinsa ang anaa sa sawang?” Karon si Haman miadto sa gawas nga sawang+ sa balay sa hari aron sultihan ang hari nga bitayon si Mardokeo sa estaka+ nga iyang giandam alang kaniya.  Busa ang mga tig-alagad sa hari miingon kaniya: “Ania, si Haman+ nagabarog sa sawang.” Busa ang hari miingon: “Pasudla siya.”  Sa dihang si Haman misulod, ang hari miingon kaniya: “Unsay buhaton sa tawo kang kansang kadungganan ang hari may kahimuot?”+ Niini si Haman miingon diha sa iyang kasingkasing: “Kinsa bay gikahimut-an sa hari aron hatagan ug pasidungog labaw kay kanako?”+  Busa si Haman miingon sa hari: “Kon bahin sa tawo kang kansang kadungganan ang hari may kahimuot,  padad-a sila ug harianong sapot+ nga ginabesti sa hari ug usa ka kabayo nga ginasakyan sa hari+ ug nga diha sa ulo niana ang harianong purong gibutang.  Ug itugyan ang sapot ug ang kabayo sa pagdumala sa usa sa hamiling mga prinsipe sa hari;+ ug pagabestihan nila ang tawo kang kansang kadungganan ang hari may kahimuot, ug ilang pakabay-on siya sa kabayo diha sa plasa+ sa siyudad,+ ug sila magasinggit sa iyang atubangan, ‘Ingon niini ang buhaton sa tawo kang kansang kadungganan ang hari may kahimuot.’”+ 10  Dihadiha ang hari miingon kang Haman: “Pagdali, kuhaa ang sapot ug ang kabayo, ingon gayod sa imong gisulti, ug buhata kana kang Mardokeo nga Hudiyo nga nagalingkod diha sa ganghaan sa hari. Ayaw tugoting may bisan unsang dili matuman sa tanan nga imong gisulti.”+ 11  Ug gikuha ni Haman ang sapot+ ug ang kabayo ug gibestihan si Mardokeo+ ug gipakabayo siya didto sa plasa+ sa siyudad ug misinggit sa iyang atubangan:+ “Ingon niini ang buhaton sa tawo kang kansang kadungganan ang hari may kahimuot.”+ 12  Human niana si Mardokeo mibalik ngadto sa ganghaan sa hari.+ Kon bahin kang Haman, siya midali sa pagpauli sa iyang balay, nga nagbangotan ug nagtabon sa iyang ulo.+ 13  Ug giasoy ni Haman kang Zeres+ nga iyang asawa ug sa tanan niyang mga higala ang tanang nahitabo kaniya. Niana ang iyang mga tawong maalamon+ ug si Zeres nga iyang asawa miingon kaniya: “Kon gikan sa binhi sa mga Hudiyo si Mardokeo, nga atubangan kaniya ikaw nagsugod pagkapukan, ikaw dili makadaog batok kaniya, kondili ikaw sa walay pakyas mapukan sa iyang atubangan.”+ 14  Samtang sila nakigsulti pa uban kaniya ang mga opisyal sa hari miabot ug nagdali+ sa pagdala kang Haman ngadto sa bangkete+ nga gihimo ni Ester.

Mga Footnote