Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ester 4:1-17

4  Ug nahibaloan ni Mardokeo+ ang tanang butang nga gihimo;+ ug gigisi ni Mardokeo ang iyang besti ug nagsul-ob ug sakong panapton+ ug nagbutang ug mga abo+ ug migula ngadto sa taliwala sa siyudad ug misinggit sa makusog ug mapait nga pagtuaw.+  Sa kataposan siya nahiabot hangtod sa atubangan sa ganghaan sa hari,+ kay walay usa nga mosulod sa ganghaan sa hari nga magbesti ug sakong panapton.  Ug sa tanang lainlaing sakop nga mga distrito,+ sa bisan diin nga miabot ang pulong sa hari ug ang iyang balaod, dihay dakong pagbangotan+ taliwala sa mga Hudiyo, ug pagpuasa+ ug paghilak ug pagminatay. Ang sakong panapton+ ug mga abo+ gibukhad ingong higdaanan alang sa daghan.  Ug ang mga batan-ong babaye ni Ester ug ang iyang mga eunuko+ misulod ug misulti kaniya. Ug ang rayna naguol pag-ayo. Unya siya nagpadalag mga besti aron ibesti kang Mardokeo ug aron kuhaon ang iyang sakong panapton gikan kaniya. Ug wala niya kini dawata.+  Niini gitawag ni Ester si Hatak,+ usa sa mga eunuko sa hari, nga gitudlo sa hari sa pag-alagad kang Ester, ug iyang gisugo siya mahitungod kang Mardokeo, aron sayron kon unsay kahulogan niadto ug kon mahitungod sa unsa kadto.  Busa si Hatak miadto kang Mardokeo ngadto sa plasa sa siyudad nga didto atubangan sa ganghaan sa hari.  Unya si Mardokeo misulti kaniya bahin sa tanang butang nga nahitabo kaniya+ ug sa eksaktong gidaghanon sa salapi nga giingon ni Haman nga ibayad ngadto sa tipiganan sa bahandi sa hari+ batok sa mga Hudiyo, aron sa paglaglag kanila.+  Ug usa ka kopya+ sa gisulat nga balaod nga gihatag sa Susan+ aron sa pagpuo kanila iyang gihatag kaniya aron ipakita kang Ester ug aron isulti kaniya ug aron ihatag ang sugo nga siya+ moadto sa hari ug mangamuyog pabor kaniya+ ug mohangyo nga direkta sa iyang atubangan alang sa iyang kaugalingong katawhan.+  Karon si Hatak+ misulod ug gisulti kang Ester ang mga pulong ni Mardokeo. 10  Unya si Ester miingon kang Hatak ug misugo kaniya mahitungod kang Mardokeo:+ 11  “Ang tanang alagad sa hari ug ang katawhan sa sakop nga mga distrito sa hari nasayod nga, kon mahitungod ni bisan kinsang lalaki o babaye nga moadto sa hari sa sulod nga sawang+ nga wala tawga, ang iyang usa ka balaod+ mao nga siya patyon; sa diha lamang nga itunol sa hari kaniya ang setro nga bulawan, siya usab magpabilin gayod nga buhi.+ Kon bahin kanako, ako wala tawga nga moadto sa hari sulod sa katloan na karon ka adlaw.” 12  Ug ilang gisultihan si Mardokeo sa mga pulong ni Ester. 13  Unya si Mardokeo miingon sa pagtubag kang Ester: “Ayaw hunahunaa sulod sa imong kalag nga ang panimalay sa hari mas makalingkawas pa kay sa tanang ubang mga Hudiyo.+ 14  Kay kon ikaw bug-os magpakahilom niining panahona, ang kahupayan ug kaluwasan alang sa mga Hudiyo mobarog gikan sa laing dapit;+ apan kon bahin kanimo ug sa balay sa imong amahan, kamo malaglag. Ug kinsay nahibalo kon alang ba sa ingon niini nga panahon nga ikaw nakakab-ot sa harianong dignidad?”+ 15  Niini si Ester miingon sa pagtubag kang Mardokeo: 16  “Lakaw, tigoma ang tanang Hudiyo nga makaplagan sa Susan+ ug pagpuasa+ alang kanako ug ayaw pagkaon ni pag-inom sulod sa tulo ka adlaw,+ gabii ug adlaw. Ako usab uban sa akong batan-ong mga babaye,+ ako magpuasa usab, ug niana ako moadto sa hari, nga maoy dili sumala sa balaod; ug kon ugaling ako mamatay,+ mamatay ako.” 17  Niini si Mardokeo milakaw ug mibuhat sumala sa tanan nga gisugo ni Ester kaniya.

Mga Footnote