Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Ester 3:1-15

3  Human niining mga butanga si Haring Ahasuero nagpadako kang Haman+ nga anak nga lalaki ni Hamedata nga Agagihanon+ ug nagbayaw kaniya+ ug nagbutang sa iyang trono nga labaw sa tanang ubang mga prinsipe nga uban kaniya.+  Ug ang tanang alagad sa hari nga diha sa ganghaan sa hari+ nangyukbo ug nanghapa kang Haman, kay ingon niana ang gimando sa hari labot kaniya. Apan kon bahin kang Mardokeo, siya wala moyukbo ni mohapa.+  Ug ang mga alagad sa hari nga didto sa ganghaan sa hari miingon kang Mardokeo: “Nganong naglapas ka sa sugo sa hari?”+  Ug nahitabo nga, sa nakigsulti sila kaniya sa adlaw-adlaw, siya wala mamati kanila, niana sila misumbong kang Haman aron makita kon ang kalihokan ni Mardokeo magpadayon ba;+ kay iyang gisulti kanila nga siya usa ka Hudiyo.+  Karon nakita kanunay ni Haman nga si Mardokeo wala moyukbo ug mohapa kaniya,+ ug si Haman napuno sa kaaligutgot.+  Apan talamayon sa iyang mga mata nga bakyawon ang iyang kamot batok kang Mardokeo lamang, kay ilang gisultihan siya bahin sa katawhan ni Mardokeo; ug si Haman nagtinguha sa pagpuo+ sa tanang Hudiyo nga dinha sa tanang gisakopan ni Ahasuero, ang katawhan ni Mardokeo.+  Sa unang bulan,+ nga mao, ang bulan sa Nisan, sa ikanapulog-duha ka tuig+ ni Haring Ahasuero, dihay naghulog sa Pur,+ nga mao, ang Ripa,+ atubangan kang Haman sa adlaw-adlaw ug sa bulanbulan, hangtod sa ikanapulog-duha, nga mao, ang bulan sa Adar.+  Ug si Haman miingon kang Haring Ahasuero: “Adunay usa ka katawhan nga natibulaag+ ug nalain taliwala sa mga katawhan sa tanang sakop nga distrito sa imong gingharian;+ ug ang ilang mga balaod lahi nianang sa tanang ubang katawhan, ug ang mga balaod mismo sa hari wala nila pagatumana,+ ug dili angay nga pasagdan lamang sila sa hari.  Kon kini daw maayo alang sa hari, ipasulat nga sila pagalaglagon; ug napulo ka libo+ ka plata nga talanton ang akong ibayad ngadto sa mga kamot niadtong magabuhat sa buluhaton+ pinaagi sa pagdala niini ngadto sa tipiganan sa bahandi sa hari.” 10  Niana ang hari nagkuha sa iyang igtitimbre nga singsing+ gikan sa iyang kamot ug naghatag niini kang Haman+ nga anak nga lalaki ni Hamedata nga Agagihanon,+ ang usa nga nagpakitag pagkamabatokon sa mga Hudiyo.+ 11  Ug ang hari miingon kang Haman: “Ang salapi+ gihatag kanimo, usab ang katawhan, aron buhaton kanila ang sumala sa kon unsay maayo sa imong mga mata.”+ 12  Unya ang mga sekretaryo sa hari+ gitawag sa unang bulan sa ikanapulog-tulo ka adlaw niini, ug gisulat+ ang sumala sa tanan nga gimando ni Haman sa mga satrapa sa hari ug sa mga gobernador nga nagdumala sa lainlaing sakop nga mga distrito,+ ug sa mga prinsipe sa lainlaing mga katawhan, sa matag sakop nga distrito, sa kaugalingon niining estilo sa pagsulat,+ ug sa matag katawhan sa kaugalingon niining pinulongan; sa ngalan+ ni Haring Ahasuero kini gisulat ug kini gitimbrehan sa igtitimbre nga singsing sa hari.+ 13  Ug ang mga sulat gipadala pinaagi sa mga mensahero+ ngadto sa tanang sakop nga mga distrito sa hari, sa pagpuo, sa pagpatay ug sa paglaglag sa tanang Hudiyo, batan-ong lalaki ingon man tigulang nga lalaki, mga bata ug mga babaye, sa usa ka adlaw,+ sa ikanapulog-tulo ka adlaw sa ikanapulog-duha ka bulan, nga mao, ang bulan sa Adar,+ ug sa pag-ilog sa mga agawonon kanila.+ 14  Usa ka kopya sa sinulat nga ihatag ingong balaod+ sa tanang lainlaing sakop nga mga distrito+ ang gimantala ngadto sa tanang katawhan, aron sila makaandam alang niining adlawa. 15  Ang mga mensahero nanggawas, nga nagdali+ tungod sa sugo sa hari, ug ang balaod gihatag didto sa kastilyo sa Susan.+ Kon bahin sa hari ug kang Haman, sila milingkod aron sa pag-inom;+ apan kon bahin sa siyudad sa Susan,+ kini nagkaguliyang.+

Mga Footnote