Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Esdras 9:1-15

9  Ug sa pagkahuman gayod niining mga butanga, ang mga prinsipe+ miduol kanako, nga nag-ingon: “Ang katawhan sa Israel ug ang mga saserdote ug ang mga Levihanon wala mobulag+ sa ilang kaugalingon gikan sa mga katawhan sa kayutaan maylabot sa ilang dulumtanang mga butang,+ nga mao, ang mga Canaanhon,+ ang mga Hitihanon,+ ang mga Perizihanon,+ ang mga Jebusihanon,+ ang mga Ammonhanon,+ ang mga Moabihanon,+ ang mga Ehiptohanon+ ug ang mga Amorihanon.+  Kay ilang gidawat ang pipila sa ilang mga anak nga babaye alang sa ilang kaugalingon ug alang sa ilang mga anak nga lalaki;+ ug sila, ang balaang binhi,+ nasagol+ na sa mga katawhan sa kayutaan, ug ang kamot sa mga prinsipe ug sa mga luyoluyong magmamando maoy nanguna+ niining maong pagkadili-matinumanon.”  Karon sa pagkadungog ko gayod niining butanga akong gigisi ang akong besti+ ug ang akong kupo nga walay bukton, ug akong gilarot ang pipila sa buhok sa akong ulo+ ug sa akong bungot, ug ako nagpadayon paglingkod nga nahiugnok.+  Nagtapok usab sila nganhi kanako, ang tagsatagsa nga nagpangurog+ tungod sa mga pulong sa Diyos sa Israel batok sa pagkadili-matinumanon sa mga nadestiyerong katawhan, samtang ako naglingkod nga nahiugnok hangtod sa halad-nga-lugas sa kagabhion.+  Ug sa panahon sa halad-nga-lugas+ sa kagabhion ako mibarog gikan sa akong pagkapinaubos, nga gisi ang akong besti ug ang akong kupo nga walay bukton, ug ako miluhod+ ug mibayaw sa akong mga kamot ngadto kang Jehova nga akong Diyos.+  Ug ako nagkanayon:+ “Oh akong Diyos, ako naulaw+ ug nanglipaghong+ sa pagyahat sa akong nawong kanimo, Oh akong Diyos, kay ang among kasaypanan+ milapaw sa among ulo ug ang among pagkasad-an midako sangko sa kalangitan.+  Sukad sa mga adlaw sa among mga katigulangan+ kami hilabihan ka sad-an hangtod niining adlawa;+ ug tungod sa among kasaypanan kami gipanugyan, kami mismo, ang among mga hari,+ ang among mga saserdote,+ ngadto sa kamot sa mga hari sa kayutaan pinaagi sa espada,+ pinaagi sa pagkabinihag+ ug sa pagpangagaw+ ug sa kaulawan sa nawong,+ ingon gayod niining adlawa.  Ug karon sulod sa usa ka diyutayng panahon ang kaluoy+ gikan kang Jehova nga among Diyos miabot pinaagi sa pagbilin kanamo niadtong mga nakaikyas+ ug pinaagi sa paghatag kanamo ug usa ka ugsok diha sa iyang balaang dapit, aron sa pagpadan-ag sa among mga mata,+ Oh among Diyos, ug sa pagpahiuli kanamo ug diyutayng kalagsik sa among pagkaulipon.+  Kay kami mga sulugoon;+ ug sa among pagkaulipon ang among Diyos wala magbiya kanamo,+ apan iya kaming gipakitaan ug mahigugmaong-kalulot atubangan sa mga hari sa Persia,+ sa pagpahiuli kanamo ug kalagsik aron sa pagpatindog sa balay sa among Diyos+ ug sa pagpasig-uli sa iyang biniyaan nga mga dapit+ ug sa paghatag kanamo ug paril nga bato+ sa Juda ug sa Jerusalem. 10  “Ug karon unsa may among isulti, Oh among Diyos, human niini? Kay mibiya kami sa imong mga sugo,+ 11  nga imong gisugo pinaagi sa imong mga alagad nga mga manalagna, nga nag-ingon, ‘Ang yuta nga inyong sudlon aron mapanag-iya maoy usa ka mahugaw nga yuta tungod sa kahugawan sa mga katawhan sa kayutaan,+ tungod sa ilang dulumtanang mga butang+ nga ilang gipuno niana gikan sa tumoy ug tumoy+ pinaagi sa ilang kahugawan.+ 12  Ug karon ang inyong mga anak nga babaye ayaw ninyo ihatag sa ilang mga anak nga lalaki,+ ni dawaton ninyo ang ilang mga anak nga babaye alang sa inyong mga anak nga lalaki; ug hangtod sa panahong walay tino dili gayod kamo maningkamot alang sa ilang pakigdait+ ug sa ilang kauswagan, aron nga kamo magmakusganon+ ug magkaon sa kaayo sa yuta ug magapanag-iya gayod niini alang sa inyong mga anak hangtod sa panahong walay tino.’+ 13  Ug human sa tanan nga midangat kanamo tungod sa among daotang mga buhat+ ug sa among dakong pagkasad-an—sanglit gipakamenos mo, Oh among Diyos, ang among kasaypanan,+ ug imong gihatag kanamo kadtong mga nakaikyas sama niini nila+ 14  pagabungkagon ba namo pag-usab ang imong mga sugo ug makig-alyansa sa kaminyoon+ uban sa mga katawhan nga nagabuhat niining dulumtanang mga butang?+ Dili ka ba masuko kanamo sa hilabihan gayod+ aron walay usa nga mahibilin+ ug walay usa nga makaikyas? 15  Oh Jehova nga Diyos sa Israel, ikaw matarong,+ tungod kay kami nahibilin ingong nakaikyas nga katawhan ingon niining adlawa. Kami ania sa imong atubangan sa among pagkasad-an,+ kay dili mahimo ang pagbarog sa imong atubangan tungod niini.”+

Mga Footnote