Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Esdras 1:1-11

1  Ug sa unang tuig ni Ciro+ nga hari sa Persia, aron matuman ang pulong ni Jehova gikan sa baba ni Jeremias,+ gipalihok ni Jehova+ ang espiritu ni Ciro nga hari sa Persia mao nga iyang gipabandilyo+ sa tibuok niyang gingharian, ug pinaagi usab sa sulat,+ nga nag-ingon:  “Mao kini ang giingon ni Ciro nga hari sa Persia,+ ‘Ang tanang gingharian sa yuta gihatag kanako ni Jehova nga Diyos+ sa mga langit,+ ug siya nagsugo kanako sa pagtukod kaniya ug usa ka balay sa Jerusalem,+ nga anaa sa Juda.  Bisan kinsa nga anaa sa inyong taliwala sa tibuok niyang katawhan, hinaot ang iyang Diyos magauban kaniya.+ Busa paadtoa siya sa Jerusalem, nga anaa sa Juda, ug ipatukod pag-usab ang balay ni Jehova nga Diyos sa Israel—siya ang matuod nga Diyos+—nga diha sa Jerusalem.+  Ug si bisan kinsa nga nahibilin gikan sa tanang dapit diin siya nagapuyo ingon nga langyaw,+ patabanga kaniya ang mga tawo sa iyang dapit pinaagig plata ug bulawan ug mga manggad ug binuhing mga hayop uban sa kinabubut-ong halad+ alang sa balay sa matuod nga Diyos, nga diha sa Jerusalem.’”  Unya ang mga pangulo+ sa mga amahan sa Juda ug sa Benjamin ug ang mga saserdote ug ang mga Levihanon mitindog, ang matag usa kansang espiritu+ gipalihok sa matuod nga Diyos, aron sa pagtungas ug sa pagtukod pag-usab sa balay ni Jehova,+ nga didto sa Jerusalem.  Kon bahin sa tanan niadtong naglibot kanila, sila nagpalig-on+ sa ilang mga kamot uban sa mga galamiton nga plata, uban sa bulawan, uban sa mga manggad ug uban sa binuhing mga hayop ug uban sa bililhong mga butang, gawas pa sa tanan nga kinabubut-ong gitanyag.+  Dugang pa, gipagula ni Haring Ciro ang mga galamiton sa balay ni Jehova,+ nga gidala ni Nabucodonosor gikan sa Jerusalem+ ug unya gibutang sa balay sa iyang diyos.+  Ug gipangdala kini ni Ciro nga hari sa Persia ilalom sa pagdumala ni Mitredat nga mamahandi ug giihap kini ngadto kang Sesbazar+ nga pangulo sa Juda.+  Karon mao kini ang ilang gidaghanon: katloan ka pormag-bukag nga sudlanan nga bulawan, usa ka libo ka pormag-bukag nga sudlanan nga plata, kawhaag-siyam ka pangpuli nga sudlanan, 10  katloan ka gagmayng panaksan+ nga bulawan, upat ka gatos ug napulo ka segundang gagmayng panaksan nga plata, usa ka libong uban pang mga galamiton. 11  Ang tanan nga galamiton nga bulawan ug plata maoy lima ka libo ug upat ka gatos. Ang tanang butang gipangdala ni Sesbazar,+ apil sa pagdala sa mga nadestiyerong+ katawhan gikan sa Babilonya ngadto sa Jerusalem.

Mga Footnote