Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ecclesiastes 8:1-17

8  Kinsa ba ang sama sa maalamong tawo?+ Ug kinsa ba ang nahibalo sa hubad sa usa ka butang?+ Ang kaalam sa usa ka tawo nagapasidlak sa iyang nawong, ug bisan ang kaisog sa iyang nawong nausab ngadto sa pagkamaayo.+  Ako nagaingon: “Tumana ang mando sa hari,+ ug kana tungod sa pagtamod sa panumpa sa Diyos.+  Ayaw pagdali, aron ikaw makabiya gikan sa iyang atubangan.+ Ayaw pagbarog sa usa ka daotang butang.+ Kay ang tanan nga iyang gikahimut-ang buhaton iyang pagabuhaton,+  tungod kay ang pulong sa hari mao ang gahom sa pagbuot;+ ug kinsa ang moingon kaniya: ‘Unsay imong ginabuhat?’”  Siya nga nagatuman sa kasugoan dili makaila sa bisan unsang malisod nga butang,+ ug ang maalamong kasingkasing makaila sa panahon ug sa paghukom.+  Kay adunay panahon ug paghukom alang sa matag kalihokan,+ tungod kay ang katalagman sa katawhan daghan diha kanila.+  Kay walay usa nga nahibalo kon unsay mahitabo,+ tungod kay kinsa bay makasulti kaniya kon maunsa kini unya?  Walay tawo nga adunay gahom ibabaw sa espiritu aron sa pagpugong sa espiritu;+ ni adunay gahom sa pagbuot sa adlaw sa kamatayon;+ ni adunay pagpahigawas gikan sa gubat.+ Ug ang pagkadaotan dili makapalingkawas niadtong nagbuhat niini.+  Kining tanan akong nakita, ug gikugihan sa akong kasingkasing ang matag buhat nga gibuhat ilalom sa adlaw, sulod sa panahon nga ang tawo nagmando sa tawo alang sa iyang kadaotan.+ 10  Apan, bisan pag ingon niini, akong nakita ang mga daotan nga gipanglubong,+ kon sa unsang paagi sila nangadto ug kon sa unsang paagi sila namiya gikan sa balaang dapit+ ug makalimtan sa siyudad diin sila milihok sa ingon.+ Kini usab kakawangan. 11  Tungod kay ang hukom batok sa usa ka daotang buhat wala dayon ipahamtang,+ mao nga ang kasingkasing sa mga anak sa mga tawo bug-os nga napunting sa pagbuhat ug daotan.+ 12  Bisan pag ang usa ka makasasala magabuhat ug daotan+ sa makagatos ug magpadayon sa taas nga panahon sumala sa iyang gusto, apan ako usab nasayod nga maayo ang sangpotan niadtong nahadlok sa matuod nga Diyos,+ tungod kay sila nahadlok kaniya.+ 13  Apan dili gayod maayo ang sangpotan sa tawong daotan,+ ni malugwayan niya ang iyang mga adlaw nga sama sa anino,+ tungod kay siya wala mahadlok sa Diyos.+ 14  Adunay kakawangan nga ginahimo ibabaw sa yuta, nga adunay mga tawong matarong nga kanila nagakahitabo ang daw alang sa buhat sa mga tawong daotan,+ ug adunay mga tawong daotan nga kanila nagakahitabo ang daw alang sa buhat sa mga tawong matarong.+ Ako miingon nga kini usab kakawangan. 15  Ug gidayeg ko ang pagmaya,+ tungod kay ang tawo wala nay mas maayo pa ilalom sa adlaw kay sa pagkaon ug sa pag-inom ug sa pagmaya, ug nga kini magauban kanila sa ilang kahago sulod sa mga adlaw sa ilang kinabuhi,+ nga gihatag kanila sa matuod nga Diyos sa ilalom sa adlaw.+ 16  Nahiuyon niini gikugihan sa akong kasingkasing+ ang pagkahibalo sa kaalam ug ang pagtan-aw sa buluhaton nga ginabuhat sa yuta,+ tungod kay adunay usa kansang mga mata dili makatulog, sa adlaw man o sa gabii.+ 17  Ug nakita ko ang tanang buhat sa matuod nga Diyos,+ nga ang mga tawo wala makatugkad sa buhat nga ginahimo ilalom sa adlaw;+ bisan kon giunsa paghago sa tawo sa pagsusi, apan sila wala makatugkad.+ Ug bisan pa kon sila moingon nga sila maalamon aron makahibalo,+ sila dili makatugkad.+

Mga Footnote