Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ecclesiastes 6:1-12

6  Adunay katalagman nga akong nakita ilalom sa adlaw, ug kini kanunay sa mga tawo:  ang usa ka tawo nga gihatagan sa matuod nga Diyos sa mga bahandi ug materyal nga mga kabtangan ug himaya+ ug kinsa, alang sa iyang kalag, wala manginahanglan sa bisan unsang butang nga iyang gipangandoy,+ apan ang matuod nga Diyos wala magpaarang kaniya sa pagkaon niini,+ bisan tuod kini mahimong kan-on sa usa ka langyaw lamang.+ Kini kakawangan ug kini usa ka sakit nga daotan.  Kon ang usa ka tawo mahimong amahan sa usa ka gatos ka higayon,+ ug siya mabuhi sa daghang katuigan, sa ingon ang mga adlaw sa iyang katuigan modaghan,+ apan ang iyang kalag wala matagbaw sa maayong mga butang+ ug bisan ang lubnganan wala maiya,+ ako magaingon nga ang bata nga nakuha-sa-pagsabak mas maayo pa kay kaniya.+  Kay kawang ang iyang pag-abot ug sa kangitngit siya mobiya, ug sa kangitngit ang iyang ngalan pagatabonan.+  Bisan ang adlaw wala niya makita, ni mahibaloi.+ Kini siya adunay pahulay kay sa nahauna.+  Bisan pa kon siya mabuhi sa usa ka libo ka tuig sa makaduha apan siya wala makakita sa maayo,+ dili ba sa usa lamang ka dapit nga ang tanan moadto?+  Ang tanang kahago sa mga tawo maoy alang sa ilang baba,+ apan bisan ang ilang kaugalingong kalag dili matagbaw.  Kay unsay bentaha nga nabatonan sa maalamon nga labaw kay sa hungog?+ Unsay nabatonan sa usa nga sinakit sa iyang pagkahibalo kon unsaon sa paglakaw atubangan sa mga buhi?  Mas maayo pa ang pagkakita pinaagi sa mga mata kay sa pagsuroysuroy sa kalag.+ Kini usab kakawangan ug usa ka paggukod sa hangin.+ 10  Bisan unsa man nga nagalungtad, ang ngalan niini gikapahayag na, ug nahibaloan na kon unsa ang tawo;+ ug dili siya makahimo sa paglaban sa iyang kawsa batok sa usa nga mas gamhanan kay kaniya.+ 11  Tungod kay adunay daghang butang nga nagapahinabog daghang kakawangan,+ unsay nabatonang bentaha sa usa ka tawo? 12  Kay kinsa bay nahibalo kon unsay maayo nga nabatonan sa usa ka tawo sa iyang kinabuhi,+ sa gidaghanon sa mga adlaw sa iyang kawang nga kinabuhi, sa dihang siya nagagugol niini sama sa usa ka anino?+ Kay kinsay makasulti sa tawo kon unsay mahitabo tapos kaniya ilalom sa adlaw?+

Mga Footnote