Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ecclesiastes 4:1-16

4  Ug ako mibalik aron makita ko ang tanang buhat sa pagpanglupig+ nga ginabuhat ilalom sa adlaw, ug, tan-awa! ang mga luha niadtong mga gilupigan,+ apan sila walay maghuhupay;+ ug sa mga nanglupig kanila diha ang gahom, mao nga sila walay maghuhupay.  Ug gipahalipayan ko ang mga patay nga namatay na kay sa mga buhi nga buhi pa.+  Busa mas maayo pa kay kanilang duha ang usa nga wala pa motungha,+ nga wala makakita sa malisod nga buluhaton nga ginabuhat ilalom sa adlaw.+  Ug nakita ko ang tanang kahago ug ang tanang hanas nga buhat,+ nga kini nagkahulogan sa pag-indigay sa usag usa;+ kini usab kakawangan ug usa ka paggukod sa hangin.  Ang hungog nangiyugpos sa iyang mga kamot+ ug nagkaon sa iyang kaugalingong unod.+  Mas maayo pa ang usa ka hakop nga pahulay kay sa duha ka hakop nga kahago ug paggukod sa hangin.+  Ako mibalik aron akong makita ang kakawangan ilalom sa adlaw:  Adunay usa, apan walay ikaduha;+ usab wala siyay anak nga lalaki o igsoong lalaki,+ apan walay kataposan ang tanan niyang kahago. Labot pa, ang iyang mga mata walay pagkatagbaw sa bahandi:+ “Ug alang kang kinsa nga ako naghago ug naghikaw sa akong kalag sa maayong mga butang?”+ Kini usab kakawangan, ug kini usa ka malisod nga buluhaton.+  Ang duha mas maayo kay sa usa,+ tungod kay sila adunay maayong balos sa ilang kahago.+ 10  Kay kon ang usa kanila mapukan, ang usa makabangon sa iyang kauban.+ Apan unsaon na lamang sa usa nga mapukan kon walay lain nga magbangon kaniya?+ 11  Dugang pa, kon ang duha magtupad sa paghigda, sila usab tinong mainitan; apan unsaon pagkabaton ug kainit sa nag-inusara?+ 12  Ug kon ang usa ka tawo makabuntog sa usa nga nag-inusara, ang duha nga magkauban makabarog batok kaniya.+ Ug ang tulo ka bakukon nga pisi dili daling mabugto. 13  Mas maayo pa ang bata nga kabos apan maalamon+ kay sa usa ka tigulang nga hari apan hungog,+ nga walay igong kahibalo aron pasidan-an pa.+ 14  Kay siya migula gikan sa bilanggoan aron mahimong hari,+ bisan tuod sa pagkahari niini niya siya natawo nga may diyutay ug kahinguhaan.+ 15  Nakita ko ang tanang buhi nga nagalakaw ilalom sa adlaw, kon unsay nahitabo sa bata, nga maoy ikaduha, nga nagabarog puli sa lain.+ 16  Walay kataposan sa tanang katawhan, sa tanan nga atubangan nila didto siya;+ ni ang katawhan human niana magmaya kaniya,+ kay kini usab kakawangan ug usa ka paggukod sa hangin.+

Mga Footnote