Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ecclesiastes 1:1-18

1  Ang mga pulong sa magtitigom,+ ang anak nga lalaki ni David nga hari sa Jerusalem.+  “Pagkadakong kakawangan!”+ ang magtitigom miingon, “pagkadakong kakawangan! Ang tanan kakawangan!”+  Unsay makuha sa tawo sa tanan niyang kahago diin siya naghago+ sa ilalom sa adlaw?+  Usa ka kaliwatan moagi,+ ug usa ka kaliwatan moabot;+ apan ang yuta magpabilin bisan hangtod sa panahong walay tino.+  Ug ang adlaw usab misilang, ug ang adlaw misalop,+ ug kini naghangos ngadto sa dapit diin kini mosilang.+  Ang hangin mopadulong sa habagatan, ug kini motuyok ngadto sa amihanan.+ Kini magpadayon sa pagtuyoktuyok,+ ug ang hangin mobalik ngadto mismo sa iyang gituyokan.+  Ang tanang suba sa tingtugnaw+ mopadulong sa dagat,+ apan ang dagat wala mapuno.+ Sa dapit diin ang suba sa tingtugnaw mopadulong, didto kini mobalik.+  Ang tanang butang makabudlay;+ walay makasulti labot niini. Ang mata dili matagbaw sa pagtan-aw,+ ni mapuno ang dalunggan sa pagpaminaw.+  Kanang namao na, mamao sa umalabot;+ ug kanang nahimo na, mao ang himoon; ug busa walay butang bag-o ilalom sa adlaw.+ 10  Aduna bay butang nga naglungtad diin ang usa makaingon: “Tan-awa kini; bag-o kini”? Kini naglungtad na sulod sa panahong walay tino;+ ang naglungtad na maoy sukad pa sa panahong una kanato.+ 11  Walay handomanan sa katawhan sa kanhing kapanahonan, ni kanilang moabot pa sa ulahi.+ Wala gayoy handomanan bisan kanilang taliwala niadtong moabot pa gayod sa ulahi.+ 12  Ako, ang magtitigom, ang hari sa Israel sa Jerusalem.+ 13  Ug gibutang ko ang akong kasingkasing sa pagpangita ug sa pagsuhid sa kaalam+ may kalabotan sa tanang butang nga nabuhat ilalom sa kalangitan—ang malisod nga buluhaton nga gihatag sa Diyos sa mga anak sa mga tawo nga ilang pagabuhaton.+ 14  Nakita ko ang tanang buluhaton nga gibuhat ilalom sa adlaw,+ ug, tan-awa! ang tanan kakawangan ug usa ka paggukod sa hangin.+ 15  Kanang baliko dili na matul-id,+ ug kanang kulang dili na maihap. 16  Ako mismo misulti sa akong kasingkasing,+ nga nag-ingon: “Tan-awa! Ako miuswag pag-ayo sa kaalam nga labaw kang bisan kinsa nga nauna kanako sa Jerusalem,+ ug ang akong kasingkasing nakakita ug dakong kaalam ug kahibalo.”+ 17  Ug gihatagan ug pagtagad sa akong kasingkasing ang pagkahibalo sa kaalam ug ang pagkahibalo sa tinonto,+ ug nahibaloan ko ang kabuangan,+ nga kini usab maoy usa ka paggukod sa hangin.+ 18  Kay sa kadagaya sa kaalam adunay kadagaya sa kagul-anan,+ mao nga siya nga nagpauswag sa kahibalo nagpauswag sa kasakit.+

Mga Footnote