Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Deuteronomio 24:1-22

24  “Kon ang usa ka lalaki magkuhag babaye ug mangasawa kaniya, mahitabo usab nga kon ang iyang mga mata dili makakaplag ug kahimuot kaniya tungod kay iyang nakaplagan diha kaniya ang butang nga malaw-ay,+ siya magsulat usab ug sulat-pamatuod sa diborsiyo+ alang kaniya ug ibutang kini sa iyang kamot ug pabiyaon siya sa iyang balay.+  Ug siya mobiya sa iyang balay ug molakaw ug mahimong asawa sa laing lalaki.+  Kon ang ulahing lalaki magdumot kaniya ug magsulat ug sulat-pamatuod sa diborsiyo alang kaniya ug ibutang kini sa iyang kamot ug pabiyaon siya sa iyang balay, o kon mamatay ang ulahing lalaki nga nagkuha kaniya ingong iyang asawa,  ang unang tag-iya kaniya nga nagpabiya kaniya dili tugotan sa pagkuha kaniyag balik aron mahimong iyang asawa human siya mahugawi;+ kay kana butang nga dulumtanan sa atubangan ni Jehova, ug ayaw dad-a sa pagpakasala ang yuta nga ihatag ni Jehova nga imong Diyos kanimo ingong panulondon.  “Kon ang usa ka lalaki magkuhag bag-ong asawa,+ dili siya mogula sa pagpakiggubat, ni magsangon kaniya sa bisan unsa. Magpadayon siya nga gawasnon diha sa iyang balay sulod sa usa ka tuig, ug siya maglipay sa iyang asawa nga iyang gikuha.+  “Walay usa nga magsakmit sa galingang demano o sa ibabaw nga batong pangligis niini ingong garantiya,+ tungod kay kalag ang iyang gisakmit ingong garantiya.  “Kon ang usa ka tawo makaplagan nga nagdagit+ ug usa ka kalag sa iyang mga igsoon sa mga anak sa Israel, ug siya nagmalupigon kaniya ug nagbaligya kaniya,+ kana nga mananagit kinahanglan usab nga mamatay. Ug imong pagakuhaon ang daotan gikan sa imong taliwala.+  “Pagbantay sa hampak nga sanla+ aron makaamping ka ug makabuhat sumala sa tanan nga itudlo kaninyo sa mga saserdote, ang mga Levihanon.+ Ingon sa gisugo ko kanila, magmatngon+ kamo sa pagbuhat.  Hinumdoman mo ang gibuhat ni Jehova nga imong Diyos kang Miriam sa dalan sa dihang kamo migula sa Ehipto.+ 10  “Kon ikaw magpahulam sa imong isigkatawo sa bisan unsa,+ dili ka mosulod sa iyang balay sa pagkuha sa iyang gigarantiya.+ 11  Mobarog ka sa gawas, ug ang tawo nga imong gipahulam magdala sa garantiya kanimo sa gawas. 12  Ug kon naglisod ang maong tawo, dili ka matulog uban sa iyang garantiya.+ 13  Iuli mo gayod kaniya ang garantiya inigsalop sa adlaw,+ ug matulog siya nga may besti,+ ug siya magpanalangin+ kanimo; ug kini magkahulogan sa pagkamatarong alang kanimo atubangan kang Jehova nga imong Diyos.+ 14  “Dili mo tikasan ang sinuholang mamumuo nga naglisod ug kabos, usa man siya sa imong mga igsoon o usa man siya sa imong langyaw nga mga pumoluyo nga anaa sa imong yuta, sulod sa imong mga ganghaan.+ 15  Sa iyang adlaw maghatag ka kaniya sa iyang suhol,+ ug kinahanglan nga dili kini pasalopan sa adlaw, tungod kay siya naglisod ug ang iyang kalag nagtinguha sa iyang suhol; aron siya dili motuaw kang Jehova batok kanimo,+ ug kini mahimong imong sala.+ 16  “Ang mga amahan dili pagapatyon tungod sa mga anak, ug ang mga anak dili pagapatyon tungod sa mga amahan.+ Ang matag usa pagapatyon tungod sa iyang kaugalingong sala.+ 17  “Dili ka magtuis sa hukom sa langyaw nga pumoluyo+ o sa batang ilo-sa-amahan,+ ug dili ka magsakmit sa besti sa usa ka babayeng balo ingong garantiya.+ 18  Ug hinumdoman mo nga naulipon ka sa Ehipto, ug si Jehova nga imong Diyos nagtubos kanimo gikan didto.+ Mao nga nagsugo ako kanimo sa pagbuhat niining butanga. 19  “Kon magaani ka sa imong uma,+ ug mahikalimot ka sa usa ka bangan sa inani diha sa uma, dili ka mobalik sa pagkuha niana. Magpabilin kini alang sa langyaw nga pumoluyo, alang sa batang ilo-sa-amahan ug alang sa babayeng balo;+ aron si Jehova nga imong Diyos magpanalangin kanimo sa tanang buhat sa imong kamot.+ 20  “Kon manughit ka sa imong kahoy nga olibo, ayaw hagdawi ang mga sanga niini. Kinahanglan kining magpabilin alang sa langyaw nga pumoluyo, alang sa batang ilo-sa-amahan ug alang sa babayeng balo.+ 21  “Kon mamupo ka sa ubas sa imong parasan, dili mo hagdawon ang nahibilin. Magpabilin kini alang sa langyaw nga pumoluyo, alang sa batang ilo-sa-amahan ug alang sa babayeng balo. 22  Ug hinumdoman mo nga naulipon ka sa yuta sa Ehipto.+ Mao nga nagsugo ako kanimo sa pagbuhat niining butanga.+

Mga Footnote