Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Deuteronomio 18:1-22

18  “Walay bahin o panulondon sa Israel nga mabatonan sa mga saserdote, ang mga Levihanon, ang tibuok tribo ni Levi.+ Ang mga halad nga gihimo pinaagi sa kalayo kang Jehova, ang iyang panulondon, ilang pagakan-on.+  Busa walay panulondon nga mabatonan niya taliwala sa iyang mga igsoon. Si Jehova mao ang iyang panulondon,+ ingon sa iyang gisulti kaniya.  “Karon kini magpadayon ingong nahiangay nga katungod sa mga saserdote gikan sa katawhan, gikan niadtong nagahalad ug halad, torong baka man o karnero: Ihatag niya sa saserdote ang abaga ug ang mga apapangig ug ang tiyan.  Ang unang abot sa imong lugas, sa imong bag-ong bino ug sa imong lana ug sa unang inalot nga balhibo sa imong panon sa karnero imong ihatag kaniya.+  Kay siya ang gipili ni Jehova nga imong Diyos gikan sa tanan mong mga tribo sa pagbarog aron sa pag-alagad sa ngalan ni Jehova, siya ug ang iyang mga anak nga lalaki, sa kanunay.+  “Kon ang Levihanon mogula sa usa sa imong mga siyudad sa tibuok Israel, diin siya nagpuyo sa makadiyot,+ ug tungod sa pagpangandoy sa iyang kalag siya moadto sa dapit nga pagapilion ni Jehova,+  siya mag-alagad usab sa ngalan ni Jehova nga iyang Diyos sama sa tanan niyang mga igsoon, ang mga Levihanon, nga magabarog didto sa atubangan ni Jehova.+  Ang samang pahat iyang kan-on,+ gawas pa sa madawat niya gikan sa mga butang nga iyang ibaligya sa mga kabtangan sa iyang mga katigulangan.  “Sa dihang makasulod ka na sa yuta nga ihatag kanimo ni Jehova nga imong Diyos, dili ka magtuon sa pagbuhat sumala sa dulumtanang mga butang sa maong mga nasod.+ 10  Walay makaplagan diha kanimo nga bisan kinsang magpaagi sa iyang anak nga lalaki o sa iyang anak nga babaye sa kalayo,+ bisan kinsa nga nagapanag-an,+ usa ka salamangkero+ o bisan kinsa nga nagapangitag mga tilimad-on+ o usa nga barangan,+ 11  o usa nga tigpangdaot+ o bisan kinsa nga nagakonsultag espiritista+ o tigpanagna sa mga hitabo+ o bisan kinsa nga nagapakisayod sa mga patay.+ 12  Kay bisan kinsa nga nagabuhat niining mga butanga dulumtanan kang Jehova, ug tungod niining dulumtanan nga mga butang si Jehova nga imong Diyos nagahingilin kanila gikan sa imong atubangan.+ 13  Pamatud-i ang imong kaugalingon nga walay-ikasaway kang Jehova nga imong Diyos.+ 14  “Kay kining mga nasod nga imong papahawaon nagpatalinghog sa mga salamangkero+ ug sa mga mananag-an;+ apan alang kanimo, wala ka hatagi ni Jehova nga imong Diyos ug bisan unsa nga sama niini.+ 15  Usa ka manalagna gikan sa imong taliwala, gikan sa imong mga igsoon, sama kanako, mao ang patindogon ni Jehova nga imong Diyos alang kanimo—ngadto kaniya kamo magpatalinghog+ 16  agig tubag sa tanan nga imong gipangayo kang Jehova nga imong Diyos didto sa Horeb sa adlaw sa panagkatigom,+ nga nag-ingon, ‘Ayaw ako padungga pag-usab sa tingog ni Jehova nga akong Diyos, ug niining dako nga kalayo ayaw na ako pakit-a pa, aron ako dili mamatay.’+ 17  Niana si Jehova miingon kanako, ‘Maayo ang pagsulti nila sa ingon.+ 18  Usa ka manalagna akong patindogon alang kanila gikan sa taliwala sa ilang mga igsoon, sama kanimo;+ ug igabutang ko ang akong mga pulong diha sa iyang baba,+ ug siya mosulti gayod kanila sa tanan nga akong isugo kaniya.+ 19  Ug mahitabo nga ang tawo nga dili mamati sa akong mga pulong nga iyang isulti sa akong ngalan, siya akong papanubagon.+ 20  “‘Apan, ang manalagna nga mangahas sa pagsultig pulong sa akong ngalan nga wala ko isugo kaniya nga isulti+ o nga magasulti sa ngalan sa laing mga diyos,+ kana nga manalagna kinahanglang mamatay.+ 21  Ug kon ikaw moingon sa imong kasingkasing: “Unsaon namo pag-ila sa pulong nga wala isulti ni Jehova?”+ 22  kon ang manalagna magasulti sa ngalan ni Jehova ug ang maong pulong dili mahitabo o matuman, mao kana ang pulong nga wala isulti ni Jehova. Gisulti kana sa maong manalagna uban sa pagkamapangahason.+ Dili ka mahadlok kaniya.’+

Mga Footnote